راولپنڈی؛ ماں کو قتل کرنے کی دھمکیاں؛ ناخلف بیٹے کو پولیس نے پکڑ لیا

راولپنڈی میں اپنی سگی ماں کو قتل کرنے کی دھمکیاں دینے پر ناخلف بیٹے کو پولیس نے پکڑ لیا ہے.

راولپنڈی کے علاقہ میں اپنی والدہ کو بندوق کی نوک پر جان سے مار دینے کی دھمکیاں دینے والے ناخلف بیٹے کو پنڈٰ پولیس نے گرفتار کرلیا ہے. علاقہ صدر واہ تھانے کی حدود میں پولیس نے والدہ کی درخواست پر کارروائی کرتے ہوئے مقدمہ درج کرکے ملزم نصیر شاہ کو گرفتار کرکے تھانہ بند کردیا ہے.جبکہ ملزم سے شراب کی بوتل بھی برآمد ہوئی ہے، جس پر ایک الگ مقدمہ بھی درج کیا گیا ہے۔

مدعیہ خاتون نے پولیس کو دی گئی درخواست میں کہا ہے کہ میرا بیٹا نصیر نشہ کرتا ہے اور جان سے مارنے کی دھمکیاں دیتا ہے، جس پر پولیس نے کارروائی کی۔ ایس پی پوٹھوہار ملک طارق محبوب نے ملزم کے خلاف قانونی کارروائی کرنے کی ہدایت کرتے ہوئے کہا کہ والدہ جیسی عظیم ہستی پر تشدد ناقابل تصور اور افسوس ناک ہے۔ رشتوں کا تقدس پامال کرنے والے ملزم کوقرار واقعی سزادلوائی جائے گی۔
مزید یہ بھی پڑھیں؛ امریکہ میں بینکوں اور نجی کمپنیوں سے بھتہ و تاوان لینے میں غیر معمولی اضافہ
حکومت کا عالمی بینک کے ساتھ 50 کروڑ ڈالر کے معاہدہ
گھر میں شوہر کی خدمت بیوی کی ذمہ داری نہیں ہے،مصری عالم دین کا فتوی
شادی کے 4 ماہ بعد بیوی شوہر کے لاکھوں روپے اور زیورات چُرا کر فرار
رپورٹ میں والدہ نے بتایا کہ مجھے آئے روز اسلحہ کی نوک پر مارنے کی دھمکیاں دیتا ہے اور خود نشہ بھی کرتا ہے جب میں نے منع کیا تو مزید غصہ میں اجاتا تھا لہذا اس کو پکڑ تھانہ بند کیا جائے اور انکے خلاف کاروائی کی جائے پولیس کا کہنا تھا ملزم کو پکڑ ان کے خلاف مقدمے درج کرلئے گئے ہیں ایک والدہ کو قتل کی دھمکیاں اور دوسرا شراب کی بوتل کی برآمدگی بارے درج کیا گیا ہے جس پر کاروائی عمل میں لائی جارہی ہے.