ایم کیو ایم رہنما ،رکن قومی اسمبلی مصطفیٰ کمال اور وزیراعلیٰ پنجاب مریم نواز کے مابین بجلی بلوں پر لفظی جنگ چھڑ گئی، مصطفیٰ کمال نے پنجاب کی بجائے پورے پاکستان کے بل کم کرنے کا مطالبہ کیا تو مریم نواز نے کہا سندھ حکومت سے رابطہ کریں، مریم نواز کی ٹویٹ پر مصطفیٰ کمال نے پھر مریم کو جواب دیا
سماجی رابطے کی ویب سائٹ ایکس پر ایم کیو ایم رہنما مصطیٰ کمال کا کہنا تھا کہ پیاری مریم بی بی، آپ کے قیمتی مشورے کا شکریہ! لیکن اگر ہماری سندھ حکومت کا حسن اخلاق اور برتاؤ پچھلے 15 سالوں سے اتنا ہی اچھا ہوتا تو ہمیں کیا ضرورت تھی کہ 2024 کے الیکشن سے 4 ماہ قبل ہم لاہور آ کر آپ کی پارٹی کے ساتھ غیر مشروط حمایت کا اعلان کر ڈالتے جس پر آج تک ہم قائم ہیں۔ میں نے آج اپنی پریس کانفرنس میں پنجاب حکومت سے درخواست نہیں کی بلکہ ریاست پاکستان کے سربراہ جو کہ وزیراعظم پاکستان میاں شہباز شریف ہیں ہم نے ان سے درخواست کی ہے کہ خدارا سندھ بالخصوص کراچی پر رحم کریں اور ہمیں بھی پاکستان میں برابر کا شہری سمجھ کر جینے کا حق دیں کیونکہ ریاست ماں جیسی ہوتی ہے۔ پچھلے کئی ماہ سے وزیر اعظم میاں شہباز شریف سے ملاقاتوں میں بارہا اس بات کی طرف توجہ دلائی ہے اور انہوں نے سندھ بالخصوص کراچی، حیدراباد سمیت سندھ کے شہری علاقوں کے رہنے والوں کے لیے آسانیاں پیدا کرنے کا وعدہ کیا تھا۔ ہم صرف انہی وعدوں کی تکمیل کے منتظر ہیں۔
پیاری مریم بی بی، آپ کے قیمتی مشورے کا شکریہ! لیکن اگر ہماری سندھ حکومت کا حسن اخلاق اور برتاؤ پچھلے 15 سالوں سے اتنا ہی اچھا ہوتا تو ہمیں کیا ضرورت تھی کہ 2024 کے الیکشن سے 4 ماہ قبل ہم لاہور آ کر آپ کی پارٹی کے ساتھ غیر مشروط حمایت کا اعلان کر ڈالتے جس پر آج تک ہم قائم ہیں۔ میں… https://t.co/WAUqol9MGf
— Syed Mustafa Kamal (@KamalMQM) August 17, 2024
قبل ازیں وزیراعلیٰ پنجاب مریم نواز نے کہا تھا کہ پیارے مصطفی بھائی، پنجاب نے یہ ریلیف مفت میں نہیں بلکہ اپنے عوام کے لیے پیسے دے کر لیا ہے اور اس کے لیے پنجاب نے اپنے بجٹ سے 45 ارب ادا کیے ہیں۔ مجھے خوشی ہو گی اگر آپ حکومت سندھ سے بات کریں اور وہ بھی اپنے عوام کو یہ ریلف فراہم کریں، شکریہ۔
واضح رہے کہ ایم کیو ایم رہنما سید مصطفیٰ کمال نے پریس کانفرنس کرتے ہوئے کہا تھا کہ ہم نے نواز شریف کی پریس کانفرنس دیکھی ،وہ پنجاب کے نہیں پاکستان کے لیڈر ہیں، نواز شریف نے کل کی پریس کانفرنس کر کے اپنا سیاسی قد کم کیا،شہباز شریف کو پورے پاکستان کا پیکج اناؤنس کرنا چاہئے 14 روپے پنجاب میں کم ہوئے پورے پاکستان میں کم ہونے چاہئے، کیا ہم اس ملک کے شہری نہیں ہیں، پورے ملک میں بجلی کی قیمت ایک ہونی چاہئے کل کی پریس کانفرنس، سندھ،کراچی میں محرومی لے کر آئی ہے،پنجاب میں بجلی کا بل کم کر کے غلط پیغام دیا گیا،
بجلی کا بل بنا موت کا پیغام،10ہزارکے بل نے قیمتی جان لے لی
1لاکھ90ہزار سرکاری ملازمین کو 15ارب روپے کی سالانہ بجلی مفت ملتی ہے
لاہور دا پاوا، اختر لاوا طویل لوڈ شیڈنگ اور مہنگے بجلی بلوں پر پھٹ پڑا
عمران خان نے آخری کارڈ کھیل دیا،نواز شریف بھی سرگرم
لاہور میں کئی علاقوں میں بجلی غائب،لیسکو حکام لمبی تان کر سو گئے
ایک مکان کابجلی بل 10 ہزار،ادائیگی کیلیے بھائی لڑ پڑے،ایک قتل
مہنگی بجلی، زیادہ تر آئی پی پیز پی ٹی آئی رہنماؤں کی ملکیت نکلیں
4 آئی پی پیز کو بجلی کی پیداوار کے بغیر ماہانہ 10 ارب روپے دیے جا رہے ، گوہر اعجاز
بجلی کا بل کوئی بھی ادا نہیں کرسکتا، ہر ایک کے لئے مصیبت بن چکا،نواز شریف
حکومت ایمرجنسی ڈکلیئر کر کے بجلی کے بحران کو حل کرے۔مصطفیٰ کمال
سرکاری بجلی گھر بھی کیپسٹی چارجز سے فائدہ اٹھا رہے ہیں،سابق وزیر تجارت کا انکشاف
