مریم نواز نے پھر "ابا” کے لئے مشکل کھڑی کر دی

0
36

چودھری شوگر ملز کیس میں مریم نواز کے بعد اس کے والد نوازشریف کے خلاف بھی تحقیقات شروع کر دی گئیں

باغی ٹی وی کی رپورٹ کے مطابق نیب لاہور نے سابق وزیراعظم نوازشریف کو چودھری شوگرملز کیس میں شامل تفتیش کر لیا،نیب لاہور کی جانب سے نوازشریف کو جیل میں سوالنامہ بھجوادیا گیا ہے

چودھری شوگر ملز، شریف خاندان پھنس گیا، شہباز شریف کی طلبی،حمزہ بھی شامل تفتیش

نیب لاہور کی ٹیم نے کوٹ لکھپت جیل سپریٹنڈنٹ کو سوالنامہ وصول کروایا جس کے بعد سپریٹنڈنٹ کوٹ لکھپت جیل نے نوازشریف کو سوالنامہ دے دیا، نیب کے مطابق بیرون ممالک سے آنے والی ٹی ٹی کی رقم نوازشریف کے اکاوَنٹ میں بھی گئی ،نوازشریف سے بیرون ملک سے آنے والی ٹی ٹی سے متعلق تفصیلات مانگی گئیں ،نوازشریف سے تمام اثاثہ جات کی تفصیلات بھی مانگی گئیں

نیب کا شہباز شریف کے خلاف شکنجہ مزید سخت

واضح رہے کہ نیب نے چوہدری شوگر ملز کیس میں مریم نواز اورسابق وزیراعظم نواز شریف کے بھتیجے عباس شریف کو گرفتار کیا تھا ، جس کے بعد احتساب عدالت نے گرفتار مریم نواز اور عباس شریف کو  جسمانی ریمانڈ پر نیب کے حوالے کردیا تھا۔ نیب پراسیکیوٹر نے عدالت میں بتایا تھا کہ 2008 میں مریم نواز کے نام پر11 ملین کے شیئر تھے، مریم نوازچوہدری شوگرملزکی ڈائریکٹرہیں، مریم نوازکے84لاکھ روپے کے شیئر تھے، جو بڑھ کر 41 کروڑ ہوگئے

ڈاکٹرعدنان نواز شریف کا ذاتی معالج نہیں بلکہ…..شہباز گل نے کر دیا انکشاف

وزیراعظم کی ایک تقریر سے لٹیروں کی نیند حرام ہو گئی، شہباز گل

دوسری جانب نیب نے شہباز شریف کے بیٹے حمزہ شہباز کو بھی چوھدری شوگر ملز کیس میں شامل تفتیش کر لیا ہے اور دستاویزات مانگ لی ہیں، نیب نے حمزہ شہباز کے خلاف تحقیقات کا آغاز کر دیا ہے.

نیب میں حمزہ شہباز کیخلاف رمضان شوگر مل، منی لانڈرنگ اور آمدن سے زائد اثاثہ جات کیس کی انکوائری ہو رہی ہے، حمزہ شہباز کی آئندہ پیشی پر نیب اپنی رپورٹ احتساب عدالت میں جمع کرائے گا۔

Leave a reply