ایم ڈی پاکستان بیت المال کی وزیر اعلی پنجاب سے ملاقات، مستحق افراد کو خود کفیل بنانے پر غور

ایم ڈی پاکستان بیت المال کی وزیر اعلی پنجاب سردار عثمان بزدار سے ملاقات

باغی ٹی وی : ملاقات میں پاکستان بیت المال اور حکومت پنجاب کے باہمی اشتراک سے متوسط طبقے کی بحالی اور مہلک امراض میں مبتلا مستحق افراد کے علاج و معالجہ اور خواتین کو ہنر مند اور خود کفیل بنانے کے حوالے سے امور زیر غور آئے۔

سردار عثمان بزدار نے کہا کہ وفاقی و صوبائی محکموں کے باہمی تعاون سے لوگوں کو مستقل بنیادوں پر ریلیف فراہم کیا جاسکتا ہے ۔

ایم ڈی پاکستان بیت المال نے کہا کہ وزیر اعظم عمران خان کے ویژن کے مطابق پاکستان بیت المال متوسط طبقے کی زندگیوں میں بہتری لانے کے لئے ہر ممکن کردار ادا کر رہا ہے۔
حکومت پنجاب متوسط طبقے کا معیار زندگی بہتر بنانے کے لئے پاکستان بیت المال کو ہر ممکن تعاون فراہم کرے گی۔