معروف گلوکارہ مہناز بیگم کی آج 9 ویں برسی منائی جا رہی ہے۔
باغی ٹی وی : گلوکارہ مہناز 1955ء کو کراچی میں پیدا ہوئیں، ان کا اصل نام تسنیم تھا وہ برصغیر کی معروف مغنیہ اور سوزخواں کجن بیگم کی صاحب زادی تھیں ان کے استاد امراؤ بندوخان کے بھتیجے نذیر نے انھیں مہناز کا نام دیا، گلوکارہ مہناز نے موسیقی کی تربیت مہدی حسن کے بڑے بھائی پنڈت غلام قادر سے حاصل کی۔
معروف براڈ کاسٹریاور مہدی طویل علالت کے بعد انتقال کرگئے
امیر امام نے انھیں پاکستان ٹیلی ویژن کے پروگرام نغمہ زار کے ذریعے عوام سے متعارف کروایا، گیتوں کے ذریعے جلد ان کی شہرت ٹی وی سے فلم اسکرین تک پھیل گئی جس کے بعد مشہور موسیقار اے حمید نے گلوکارہ مہناز کو فلمی دنیا میں آنے کی دعوت دی-
مہناز نے باقاعدہ طور پر 1972ء میں فنِ موسیقی میں قدم رکھا ہدایت کار نذرالاسلام کی فلم ’’حقیقت‘‘مہناز کی بطور گلوکارہ ریلیز ہونے والی پہلی فلم تھی۔ جلد ہی مہناز فلمی دنیا کی مقبول ترین آواز بن گئیں۔
شوبز انڈسٹری کے سینئر اداکار رشید نازکی وفات،وزیراعلیٰ کا اظہار افسوس
مہناز نے مجموعی طور پر 1500ء سے زائد گانے ریکارڈ کروائے وہ اس حوالے سے بھی خوش قسمت تھیں کہ ابتداء میں ہی انہیں نثار بزمی، روبن گھوش، سہیل رانا، وجاہت عطرے سمیت دیگر نامور موسیقاروں کے ساتھ کام کرنے کا موقع ملا۔
معروف شاعرہ پروین شاکر کی 27 ویں برسی
حکومت نے گلوکارہ مہناز کی فنی خدمات کےاعتراف میں انھیں صدارتی تمغہ برائے حسن کارکردگی سے نوازا اس کے علاوہ انہیں دئیے جانے والے اعزازات میں دس نگارایوارڈ، دو نیشنل ایوارڈ، سات گریجویٹ ایوارڈ اورایک پی ٹی وی ایوارڈ شامل ہیں۔مہناز نے 1977 سے 1983 تک مسلسل سات سال تک نگارایوارڈ حاصل کیے جوایک منفرد اعزاز ہے۔
سلطان راہی کو مداحوں سے بچھڑے 26 برس ہو گئے
واضح رہے کہ مہناز طویل عرصے سے ہائی بلڈ پریشر اور پھیپھڑوں کے انفیکشن میں مبتلا تھیں 19 جنوری 2013ء کو وہ علاج کے لیے امریکا جارہی تھیں کہ اچانک راستے میں ان کی طبیعت خراب ہوگئی جہاز کو ہنگامی طور پربحرین میں اتارا گیا اورانھیں فوری طور پر اسپتال پہنچایا گیا لیکن وہ جانبرنہ ہوسکیں اور اس جہان فہانی سے کوچ کرگئیں۔
