پاکستانی اداکارہ مہوش حیات جنہیں باکس آفس کوئین بھی کہا جاتا ہے ، ان کی حال ہی میں فلم تیری میری کہانیاں ریلیز ہوئی ہے ، اس میں انہوں نے 123 میں جو کردار کیا ہے اس میںان کی لکس کافی مختلف ہیں اور ان کا کردار بھی روٹین سے ہٹ کر ہے، مہوش حیات ساڑھیاں زیب تن کئے ہوئے نظر آرہی ہیں اور ان کی لک دیکھ کر محسوس ہوتا ہےکہ جیسے پرانے زمانے کی بالی وڈکی فلم کی کوئی ہیروئین ہے.
مہوش حیات نے وہاج علی کے مقابلے میںیہ کردار کیا ہے مہوش حیات تیری میری کہانیاں میں ایک شادی شدہ خاتون ہیں جس کا شوہر شکی ہے، بیوی کی عدم موجودگی میں لڑکیوں کے ساتھ اپنی دوستیاں نبھاتا ہے. مہوش حیات کی ایسی لک پہلے کبھی کسی فلم میں دیکھنے کو نہیں ملی، سوشل میڈیا صارفین نے مہوش حیات کی لکس پر طرحطرح کے تبصرے کئے ہیں اور یہاں تک کہہ دیا ہے کہ مہوش حیات کی تیری میری کہانیاں میں لُکس انڈین اداکارہ نرگس دت جیسی ہیں، مہوش خود بھی اپنی لکس کو دیکھ کر کافی پرجوش ہیں ان کا کہنا ہے کہ مجھے اپنا آپ تیری میری کہانیاں میں بہت اچھا لگا ہے. یوں مہوش حیات کو نرگس دت کے ساتھ ملایا جا رہا ہے.