پاکستان شوبز انڈسٹری کی تمغہ امتیاز حاصل کرنے والی اداکارہ مہوش حیات کا کہنا ہے کہ اگر اُن کی زندگی پر فلم بنائی گئی تو وہ بریانی کے 12 مسالوں کی طرح ہوگی۔
باغی ٹی وی : اداکارہ مہوش حیات نے اپنے انسٹا گرام اکاؤنٹ پر تین ویڈیوز شیئرز کیں جس میں انہوں نے مداحوں کی جانب سے پوچھے جانے والے سوالات کے دلچسپ جوابات دیئے۔
https://www.instagram.com/p/CFza1LNFU1O/
ایک مداح کی جانب سے مہوش حیات سے پوچھا گیا کہ اگر اُن کی زندگی پر فلم بنتی ہے تو وہ کس طرح کی ہوگی اور اس میں اداکارہ کا مرکزی کردار کون ادا کرے گا؟ اس سوال پر مہوش حیات نے بھرپور انداز میں جواب دیتے ہوئے کہا کہ اگر میری زندگی پر فلم بنتی ہے تو وہ بریانی کے 12 مسالوں کی طرح ہوگی۔
مہوش حیات نے کہا کہ میری اس فلم میں ایکشن، ڈرامہ، پیار اور غم بھی شامل ہوگا یہاں تک کہ عام زندگی کی طرح اس فلم میں بھی اُتار چڑھاؤ ہوگا اور انشاہ اللہ فن اور طنز و مزاح سے بھرپور فلم ہوگی۔
اداکارہ نے فلم میں مرکزی کردار سے متعلق کہا کہ میری اس فلم میں میرا کردار کوئی اور نہیں بلکہ میں خود ہی ادا کروں گی۔
مہوش حیات سے سوال پوچھا گیا کہ آخری مرتبہ انہوں نے جھوٹ کیا بولاتھا اور کس کے ساتھ بولا تھا جس پر اداکارہ نے کہا کہ اپنی بیسٹ فرینڈ سے اور یہ کہ اسے کہا تھا کہ میں پانچ منت میں پہنچ رہی ہوں لیکن ابھی تک یہاں بیٹھی ہوں لیکن میرا یہ جھوٹ نقصان دہ نہیں ہے کیونکہ وہ جانتی ہے-
آپ کا پسندیدہ ایمو جی کونسا ہے اس پر مہوش حیات نے کہا کہ ہارٹ (دل ) ان کا پسندیدہ ایموجی ہے-
Leave a reply
