مصنف خلیل الرحمن قمر کے ڈرامہ میرے پاس تم ہو کی ٹی وی پر دوبارہ واپسی

خلیل الرحمن قمر کا لکھا گیا مقبول ترین ڈرامہ میرے پاس تم ہو کو عوام کی پسند اور ڈرامے کی مقبولیت کو دیکھتے ہوئے کو ٹی وی پر دوبارہ نشر کرنے کا فیصلہ کیا گیا ہے

باغی ٹی وی : ہمایوں سعید اور عائزہ خان کا مقبول ترین ڈرامہ میرے پاس تم ہو کو عوام کی پسند اور ڈرامے کی مقبولیت کو دیکھتے ہوئے کو ٹی وی پر دوبارہ نشر کرنے کا فیصلہ کیا گیا ہے جس کا اعلان ڈرامے میں دانش کا کردار ادا کرنے والے ہمایوں سعید نے اپنے سوشل میڈیا اکاؤنٹ پر کیا
https://twitter.com/iamhumayunsaeed/status/1242804740012064770?s=19
سماجی رابطے کی ویب سائٹ ٹویٹر پرہمایوں سعید نے اطلاع دیتے ہوئے کہا کہ میرے پاس تم ہو ٹی وی اسکرین پر 30 مارچ سے واپس آرہا ہے

واضح رہے کہ مصنف خلیل الرحمن قمر کے لکھے گئے ڈرامے میرے پاس تم ہو نے نہ صرف مقبولیت کے ریکارڈ توڑے بلکہ اسے پاکستان کی تاریخ کا کامیاب ترین ڈرامہ کہا جارہا ہےجسے پاکستان کے ساتھ بیرون ملک میں بھی بے حد پزیرائی ملی لوگوں کی اتنی دلچسپی دیکھتے ہوئے اس ڈرامے کی آخری قسط سینما میں دکھائی گئی

خیال رہے کہ ڈرامہ سیریل میرے پاس تم ہو نے جہاں کامیابیاں سمیٹیں وہیں یہ ڈرامہ اپنے ڈائیلاگ کے باعث تنقید کی زد میں بھی رہا جب کہ ڈرامے کے مصنف خلیل الرحمان قمر بھی خواتین کے حوالے سے دئیے جانے والے بیانات کی وجہ سے سوشل میڈیا پر خوب تنقید کا نشانہ بنے