ملک کےبیشترعلاقوں میں موسم گرم اور خشک رہے گا ،محکمہ موسمیات
باغی ٹی وی : محکمہ موسمیات کے مطابق کشمیر، بالائی وسطی پنجاب اور خیبر پختونخوامیں آندھی ، گرج چمک اور بارش کا امکان ہے-
پنجاب میں اکثر شہروں میں آندھی،گرج چمک اوربارش کاامکان ہے ،اسلام آباد میں مطلع جزوی ابر آلود رہے گا،بعض مقامات پر موسلادھار بارش اور ژالہ باری متوقع ہے-
خطۂ پوٹھوہار، نارووال، سیالکوٹ، گوجرانوالہ،گجرات، شیخوپورہ میں بارش متوقع،منڈی بہاؤالدین ، لاہور ،حا فظ آباد، میانوالی ،سرگودھا، خوشاب، فیصل آباد اور قصورمیں بھی بارش ہوگی جبکہ بھکر، لیہ ،ڈی جی خان ، ملتان اور بہاولپورمیں گرج چمک کے ساتھ بارش کا امکان ہے-
سندھ ، جنوبی اور وسطی بلوچستان میں گرمی کی شدت برقرار رہے گی ،سندھ کے بیشتر اضلاع میں موسم گرم اورخشک رہے گا ،بینظیر آباد،میر پور خاص، تھر پارکر،خیر پور،سانگھڑ،دادو، جیکب آباد اورموہنجو داڑو میں گرمی کی شدت برقرار رہے گی-
روہڑی ، سکھراور لاڑکانہ میں بھی موسم شدید گرم رہے گا جبکہ کراچی سمیت ساحلی علاقوں میں مطلع جزوی ابر آلود رہے گا ،رات کو بوندا باندی کا امکان ہے-
خیبرپختونخوا کے بیشتر اضلاع میں موسم خشک رہے گا،بلوچستان کے بھی بیشتر اضلاع میں موسم گرم اور خشک رہے گا،تربت، پنجگور، چاغی، سبی اور کوہلو میں موسم شدید گرم رہے گا جبکہ ژوب،بارکھان میں چند مقامات پر تیز ہواو َں اور گرج چمک کے ساتھ بارش متوقع ہے-
