پی سی بی اچانک ٹیم چھوڑنے کے خلاف پالیسی تیارکرہاہے،اب ویسا نہیں چلے گا، مصباح الحق

کراچی:پی سی بی اچانک ٹیم چھوڑنے کے خلاف پالیسی تیارکرہاہے،اب ویسا نہیں چلے گا، نيشنل کرکٹ اسٹيڈيم کراچي ميں پريس کانفرنس کرتے ہوئے مصباح الحق کا کہنا تھا کہ پاکستان ٹیم کی فاسٹ بولنگ کا شعبہ محنت کا متقاضی ہے، ہمیں نتائج کے لیے حریف ٹیم کو دو مرتبہ آؤٹ کرنے کی صلاحیت درکار ہے،

مصباح الحق کہتے ہیں کہ دورہ آسٹریلیا میں یہ اچھی بات رہی کہ ہماری بیٹنگ لائن میں بہتری آئی، بابراعظم نے اپني بيٹنگ کو تسلیم کروایا ہے انہوں نے فاسٹ بولر محمد عامر اور وہاب ریاض کے حوالے سے پوچھے جانے والے سوال کے جواب میں انہوں نے کہا کہ فاسٹ بولر پرمحنت کی جاتی اور کثیر سرمایہ کاری کی جاتی ہے ضرورت کے وقت ٹیم کو چھوڑ کر جانا کسي طور پر درست نہیں کہا جاسکتا اس ليے پی سی بی موثر پالیسی مرتب کر رہا ہے ۔

ہیڈکوچ مصباح الحق کا کہنا تھا کہ دوہری ذمہ داری سے فرق نہیں پڑتا ٹيم ميں خامیاں پرانی ہیں انہيں سدھارنے کی کوشش کر رہا ہوں اس ليے ٹيم کي بہتري کے ليے مستقل بنیادوں پرطویل المدتی منصوبے پر کام کر رہا ہوں، تمام تر توانائی ٹیم کی بہتری پر لگانے کی کوشش کررہا ہوں،

ان کا کہنا تھا کہ جلد بازی نہیں کر سکتے نا ہي تمام کھلاڑی ايک ساتھ ٹیم میں کھلا سکتے اس ليے جگہ بنانے کے لیے کھلاڑیوں کو انتظار کرنا ہوگا، فارم والے کھلاڑی کو ہٹا کر کسی اور کو نہیں کھلا سکتے زیادہ کرکٹ کھیلنے سے زیادہ مواقع میسر آئيں گے ان کا کہنا تھا کہ مکی آرتھر کے حریف ہونے سے کوئی فرق نہیں پڑتا مصباح الحق کا کہنا تھا کہ آسٹریلیا سیریز میں ہماری بیٹنگ نے بہتر پرفارم کیا،

ہمیں اچھا بولنگ اٹیک بھی ملا انہوں نے کہا کہ سری لنکا کے خلاف کراچی ٹیسٹ میں سپورٹنگ وکٹ کی حمایت کی ہے جو فاسٹ باولرز کی مدد کرے گی تاہم حتمی ٹیم کا فیصلہ میچ سے قبل پچ ديکھ کر کریں گے ہيڈ کوچ کا کہنا تھا کہ آئندہ آنے والی سیریز کے لیے منصوبہ کر رہے ہیں،

ہیڈ کوچ مصباح الحق کا کہنا تھا کہ دورہ انگلینڈ سے قبل فاسٹ بولنگ کے شعبہ کو مضبوط کریں گے انہوں نے کہا کہ احمد شہزاد اورعمر اکمل ٹی ٹوئنٹی کے اچھے کھلاڑی ہیں، اگر ہميں میچز نہیں ملتے تو تربيتي کیمپس لگا کر نوجوان کھلاڑیوں کو تربيت ديں گے