مودی کے آبائی حلقے گجرات میں کرونا وائرس کے مریضوں میں ہوا اضافہ

مودی کے آبائی حلقے گجرات میں کرونا وائرس کے مریضوں میں ہوا اضافہ

باغی ٹی وی کی رپورٹ کے مطابق بھارتی وزیراعظم مودی کے آبائی حلقے میں کرونا وائرس کے مریضوں کی عداد 38 ہو گئی ہے

مودی کے آبائی حلقے گجرات میں گزشتہ 24 گھنٹوں میں کرونا وائرس کے 5 نئے مریض سامنے آئے جس کے بعد مریضوں کی مجموعی تعداد 38 ہو گئی ہے، گجرات کے علاقوں راج کوٹ میں دو،احمدآباد ،سورت اور وڈودرا میں کرونا وائرس کا ایک ایک مریض آج سامنے آیا ہے.

نئے پانچ مریضوں میں سے دو دبئی سے احمدآباد اور راج کوٹ آئے، جن میں 36 سالہ شخص راج کوٹ اور 31 سالہ خاتون احمدآباد سے آئی جبکہ تین دیگر افراد راج کوٹ،سورت اور وڈودرا کے رہائشی ہیں۔ان میں 75سالہ خاتون راج کوٹ،62سالہ مرد سورت اور 32سالہ مرد وڈودرا کا ہے ۔

گجرات میں ہی ایک 69 سالہ شخص کی کرونا سے موت بھی ہوئی ہے

واضح رہے کہ بھارت میں کرونا وائرس کا ایک اور مریض ہلاک ہو گیا جس سے ہلاکتوں کی تعداد 11 ہو گئی ہے

بھارت میں 11 ویں ہلاکت تمل ناڈو میں ہوئی، جہاں 54 سالہ شخص جان کی بازی ہار گیا، اس کا 23 مارچ کو کرونا کا ٹسیٹ مثبت آیا تھا ، بھارتی وزارت صحت کے مطابق ہلاک ہونے والے شخص کی ٹریول ہسٹری نہیں ہے،بھارت میں کرونا وائرس کے مریضوں کی تعداد 606 ہوگئی ہے۔ جس میں سے 11 کی موت ہوگئی ہے۔

بھارت میں کرونا کے 44 مریض، مندر میں بتوں کو بھی ماسک پہنا دیئے گئے

کرونا وائرس، بھارت میں 3 کروڑ سے زائد افراد کے بے روزگار ہونے کا خدشہ

بھارتی گلوکارہ میں کرونا ،96 اراکین پارلیمنٹ خوفزدہ،کئی سیاستدانوں گھروں میں محصور

بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ

،کیرالا میں کرونا وائرس کے سب سے زیادہ مریض 95 ریکارڈ کئے گئے ہیں ، مہاراشٹرا 89 مریضوں کے ساتھ دوسرے نمبر پر ہے

بھارت میں 25 مارچ سے لاک ڈاؤن نافذ ہوچکا ہے لیکن دہلی میں 24 مارچ سے کرفیو نافذ ہوا ہے۔ دہلی پولیس نے بدھ کو مکمل لاک ڈاون کی خلاف ورزی کرنے والوں پر سختی دکھاتے ہوئے 5103 لوگوں کو حراست میں لیکر 956 گاڑیوں کو ضبط کیا اور آئی دفعہ آئی پی سی 188 کے تحت 183ایف آئی آر درج کی ہیں۔ اس کے ساتھ ہی ضروری سامان کی آمدورفت کے لئے 6141پاس جاری کئے گئے ہیں