میہڑ:مونو ٹیکنیکل کالج میں پاک فوج کے جوانوں پر فائرنگ, پیپلز پارٹی کےکامیاب امیدوار گرفتار

میہڑ،باغی ٹی وی (نامہ نگارمنظورعلی جوئیہ) سکیورٹی اہلکاروں پر فائرنگ کے الزام میں قومی اسمبلی کی نشست پر پیپلز پارٹی کےکامیاب امیدوار عرفان ظفر لغاری کو حراست میں لے لیا گیا،فائرنگ کا واقعہ ہفتے اور اتوار کی درمیانی شب ٹیکنیکل کالج میہڑ کے باہر پیش آیا

پولیس تھانہ میہڑکے مطابق سکیورٹی اہل کاروں پر فائرنگ کے الزام میں قومی اسمبلی کی نشست پرپیپلزپارٹی کے کامیاب امیدوار این اے 227 امیدوار عرفان ظفر، عمران لغاری، قمبر لغاری پر میہڑ تھانہ پر دہشتگردی ایکٹ تحت مقدمہ درج کیا گیا ہے

پولیس کے مطابق گرفتار افرادکے خلاف سرکار کی مدعیت میں دہشت گردی ایکٹ کے تحت مقدمہ درج ہے، دہشت گردی ایکٹ کی ایف آئی آر میں عمران ظفرلغاری سمیت 200 نامعلوم افراد بھی شامل ہیں

ایف آئی آر کے مطابق ملزم نے پاک آرمی کی ڈگری کالج والے کیمپ پر فائرنگ کر کے دہشتگردی کی، مونو ٹیکنیکل کالج میں پولنگ کے بیلٹ بکس موجود تھے جب کہ پیپلزپارٹی ذرائع کا کہنا ہےکہ بیلٹ باکس چوری ہونےکے شبہ میں عرفان لغاری کارکنوں کے ہمراہ پہنچےتھے۔

واضح رہے کے گذشتہ رات پیپلزپارٹی رہنماؤں اور کارکنوں نے سوشل میڈیا پر ویڈیو وائرل کی تھی