مٹن دم پخت
وقت : 1¼سے 1½ گھنٹے
4 سے 5 افراد کے لئے
اجزائے ترکیبی ………… مقدار …………
مٹن (ٹانگیں) ………… 1½ کلو
تیل ………… ¼کپ
ادرک لہسن پیسٹ ………… 2کھانے کے چمچ
نمک ………… حسب ذائقہ
کالی مرچ (ثابت) ………… 6سے 8عدد
جاوتری ………… 2عدد
لیموں کے قتلے ………… 4سے 6ٹکڑے
گندھا ہوا آٹا(برتن کو بند کرنے کے لئے) ………… حسب ضرورت
طریقہ کار:
مٹن کو 150 سے 200گرام کے ٹکڑوں میں کاٹ لیں اور ایک طرف رکھ دیں۔ مٹی کی ہانڈ ی میں تیل گرم کرکے ادرک لہسن کو ہلکا براؤن کرلیں کالی مرچ اور جاوتری شامل کرکے ایک منٹ مزید پکائیں۔ مٹن کو ہلکا براؤن ہونے تک پکائیں۔ ایک لیٹر پانی، نمک اور لیموں کے قتلے ڈالیں۔ ہانڈی پر ڈھکن دے کر اسے آٹے سے سیل کردیں۔ ایک گھنٹہ کے لئے مٹن کو مکمل پکنے اور گلنے تک پکائیں۔ خمیری روٹی کے ساتھ پیش کریں۔ پکنے کے درمیان ڈھکن نہ اٹھائیں ورنہ بھاپ باہر نکل جائے گی اور ”دم“ کا عمل متاثر ہوگا۔