ممتاز حیدر
الیکشن کمیشن نے این اے 16کی انتخابی عذرداری سے متعلق فیصلہ محفوظ کرلیا
الیکشن کمیشن میں این اے 16کی انتخابی عذرداری کیس کی سماعت ہوئی،ممبر سندھ نثار درانی کی سربراہی نے 2رکنی بنچ نے سماعت کی،وکیل درخواست گزار نے کہاکہ 46پولنگ سٹیشن کے فارم 45دستخط شدہ نہیں تھے،پولنگ عملے کو بغیرنوٹس دیئے تبدیل کیا گیا،الیکشن کمیشن نے این اے 16کی انتخابی عذرداری سے متعلق فیصلہ محفوظ کرلیا۔
دوسری جانب الیکشن کمیشن میں این اے 11 شانگلہ میں عذرداری کیس کی سماعت ہوئی،درخواست گزار آزاد امیدوار سید فرین کے وکیل نے کہا کہ خواتین کے ایک پولنگ اسٹیشن میں ووٹنگ نہیں ہوئی، خواتین کے اس پولنگ اسٹیشن پر کامیاب امیدوار کو ووٹ کیسے ملے؟ممبر کمیشن نے کہا ہے کہ صوبائی اسمبلی کے امیدوار کو کوئی ووٹ نہیں ملا لیکن این اے امیدوار کو 600 ووٹ کیسے ملے؟الیکشن کمیشن نے ریٹرننگ افسر سے رپورٹ طلب کرتے ہوئے کیس کی سماعت 26 فروری تک ملتوی کر دی
پی کے 40،دوبارہ گنتی میں ن لیگی امیدوار کامیاب
خیبرپختونخوا کی صوبائی اسمبلی کی نشست پی کے 40 میں 173 پولنگ اسٹیشنز کی دوبارہ گنتی مکمل ہو گئی ہے،دوبارہ گنتی کے بعد مسلم لیگ ن کے سردار شاہ جہان یوسف کامیاب ہو گئے ہیں،تحریک انصاف کے حمایت یافتہ آزاد امیدوار شکور لغمانی نے دوبارہ گنتی کی درخواست دی تھی،پی کے 40 کا فارم 47 جاری کردیا گیا ہے جس کے مطابق سردار شاہ جہان یوسف نے 43014 جبکہ شکور لغمانی نے 42918 ووٹ حاصل کیے ہیں
مسلم لیگ ن کے طارق فضل چوہدری کی کامیابی کا نوٹیفکیشن معطل
دوسری جانب اسلام آباد ہائیکورٹ نے اسلام آباد سے نون لیگ کے امیدوار طارق فضل چوہدری کی کامیابی کا نوٹیفکیشن معطل کر دیا پی ٹی آئی آزاد امیدوار شعیب شاہین کی انٹرا کورٹ اپیل میں عدالت نے نوٹیفکیشن معطل کیا،دوران سماعت جسٹس میاں گل حسن اورنگزیب نے ریمارکس دیتے ہوئے کہا کہ اس افسر سے پوچھیں جس نے یہ نوٹیفکیشن جاری کیا کون الیکشن کمیشن میں بیٹھ کر یہ کام کر رہا ہے
اسلام آباد ہائی کورٹ،اسلام آباد کے حلقہ این 46, 47 اور 48 کے انتخابی عذرداری کا معاملہ ،ہائی کورٹ کے سنگل رکنی بینچ کے فیصلے کے خلاف اپیلوں پر سماعت ہوئی،جسٹس میاں گل حسن اورنگزیب اور جسٹس ارباب محمد طاہر نے کیس کی سماعت کی،شعیب شاہین، فیصل چوہدری، علی بخاری و دیگر عدالت پیش ہوئے، شعیب شاہین نے کہا کہ میں حلقہ این اے 47کا امیدوار ہوں اور میرے پاس تمام فارم 45 موجود ہیں، تمام فارم 45 کے مطابق میرے ووٹ 1 لاکھ 4 ہزار 72 بنتے ہیں ،میرے مدمقابل طارق فضل چوہدری کے 51 ہزار 173 ووٹس تھے، عدالت نے استفسار کیا کہ کیا آپ کے پاس اس وقت اصل فارم 45 موجود ہیں ؟شعیب شاہین نے کہا کہ اصل فارم 45 ہم نے چھپا کر رکھے ہیں کیونکہ ہمیں چھیننے کا خدشہ ہے، رزلٹ جب آیا تو فارم 47 کے لیے ہم آر او کے آفس گئے، عدالت نے کہا کہ الیکشن ایکٹ کے کس سیکشن کے تحت فارم 45 اور 47 جاری کئیے جاتے ہیں، شعیب شاہین نے کہا کہ الیکشن ایکٹ کے سیکشن 90 شق 10 اور 13 کے تحتہ فارمز کا اجراء کیا جاتا ہے، وکیل نے کہا کہ قانون میں واضح ہے کہ ریٹرننگ افسر بغیر کسی تاخیر کے فارم 47 جاری کرے گا،جسٹس میانگل حسن اورنگزیب نے استفسار کیا کہ آپ کے پاس تمام فارم 45 کب تک آئے ؟ شعیب شاہین نے کہا کہ الیکشن کی رات 12 بجے تک میرے پاس 380 فارم 45 آئے تھے، میں آر او کے افسر گیا تو میرے فارم طارق فضل چوہدری کے کھاتے میں ڈال رہے تھے اور ان کے میرے کھاتے میں،ریٹرننگ افسر کے دفتر گیا تو دھمکی دی کہا کہ جاو ورنہ اٹھاکر باہر نکال دیں گے،الیکشن نتائج کے بعد دو فارم 47 جاری کردئیے گئے تھے، فارم 47 کے مطابق طارق فضل چوہدری کو 1 لاکھ دو ہزار 502 جبکہ مجھے 86 ہزار 396 ووٹس دئیے گئے، الیکشن کمیشن ویب سائٹ پر 10 فروری کو ایک اور فارم 47 جاری کیا گیا اس میں معمولی تبدیلی کی گئی، آن لائن فارم 47 کے مطابق میرے 86 ہزار 784 جبکہ طارق فضل کے 1 لاکھ دو ہزار سے کم کیا،
جناح ہاؤس لاہور میں ہونیوالے شرپسندوں کے حملے کے بارے میں اہم انکشافات
جناح ہاؤس میں سب سے پہلے داخل ہونے والا دہشتگرد عمران محبوب اسلام آباد سے گرفتار
