ناسا نے ہزاروں کھرب ڈالر کی مالیت کا قیمتی ترین سیارچہ دریافت کر لیا

0
24
ناسا-نے-ہزاروں-کھرب-ڈالر-کی-مالیت-کا-قیمتی-ترین-سیارچہ-دریافت-کر-لیا #Baaghi

ناسا کا نیا مشن سائیکی نامی سیارچےکی سطح کا جائزہ لےگا یہ سیارچہ ہزاروں کھرب ڈالر کی مالیت کی دھاتوں سے بنا ہوا ہے۔ناسا کا مشن 2026 تک اس سیارچے پر لینڈ کرے گا۔

باغی ٹی وی : ناسا کےمطابق 120 میل چوڑاچٹان کا یہ ٹکڑا مشتری اور مریخ کے درمیان سورج کے گرد چکر لگا رہا ہے ماہرین کےمطابق اس سیارچے کا درجہ حرارت بہت زیادہ ہے،اس مشن میں مدد کے لیے ماہرین کی ایک ٹیم نےدرجہ حرارت کا ایک نیا نقشہ بنایا ہے-

ماہرین نے نہایت طاقتور دوربینوں سے سیارچے کی سطح جائزہ لیا ہے ماہرین اس بات کا تعین کرنے میں کامیاب رہے ہیں کہ سیارچے میں ایک دھاتی سطح ہے جو کم از کم 30 فیصد دھات سے بنی ہے-

ناسا کے مطابق دیگر پتھریلی یا برفیلی سطحوں کے برعکس ، اس سیارچے کی سطح کے زیادہ تر آئرن اور نکل سے بنے ہونے کا شبہ ہے، ان دھاتوں کی قیمت کئی کواڈریلین ڈالرہوسکتی ہے-

ماہرین کے مطابق اگر یہ سیارچہ انسانوں کے ہاتھ لگ جاتا ہے تو اس کی دھاتوں سے ہر کوئی ارب پتی ہو جائے گا اور یوں دنیا کی معیشت تباہ ہو جائے گی۔

Leave a reply