نوازشریف کو کچھ ہوا تو ذمہ داری سب پر،جعلی حکومت سے ریلیف نہیں مانگتی، مریم نواز
مسلم لیگ ن کی نائب صدر مریم نواز نے کہا ہے کہ میاں نواز شریف کو کچھ ہوا ان کی صحت بگڑی تو اس کی ذمہ داری سب پر ہو گی، یہ مقدمہ آج عوام کے سامنے رکھ رہی ہوں .
نوازشریف کو کچھ ہوا تو ذمہ داری سب پر،جعلی حکومت سے ریلیف نہیں مانگتی، مریم نواز
نواز شریف کو اڈیالہ جیل میں ہوا تھا تیسرا ہارٹ اٹیک ،مریم نواز نے کیا پریس کانفرنس میں انکشاف
میثاق جمہوریت کرنیوالے قومی مجرم،قربانی کا بکرا بنانے کو تیار ہوں، مریم نواز
باغی ٹی وی کی رپورٹ کے مطابق مریم نواز نے لاہور میں پریس کانفرنس کی اس موقع پر پرویز رشید بھی ان کے ہمراہ تھے، مریم نواز نے کہا ہے کہ فیملی کی ملاقاتیں اور کارکنان سے ملاقاتوں پر پابندی لگا کر چھوٹے پن کا مظاہرہ کیا گیا ہے، جمعرات کو کہا گیا کہ پانچ لوگوں سے زیادہ کسی کو ملنے کی اجازت نہیں، شہباز صاحب ،میں اور میرے بچے گئے، میاں صاحب کی بہن گیٹ سے واپس گئی ، اس بات جب میٹنگ شروع ہونے والی تھی تو ہم بیٹھ گئے میاں صاحب کچھ دیر بعد آتےہیں تو اس دوران ایک صاحب آ کر بیٹھ گئے.میاں نواز شریف سے ملاقات کے وقت ہم پر نظر رکھی گئی اور ہماری تمام باتیں سنی گئیں، مریم نواز نے کہا کہ میاں صاحب کی کڈنی کا اسٹیج تھری کا مسئلہ ہے، دو سال کی محنت کے بعد نواز شریف سے ملاقاتوں پر پابندی لگائی جارہی ہے ،کونسا اخلاق اس بات کی اجازت دیتا ہے، شرم آنی چاہئے ان کو، نالائق اعظم اور اس کی حکومت کو سمھجھ آجانی چاہئے کہ وہ شکست کھا گیا، نواز شریف آج بھی طاقتور ہے اس سے وہ ڈر رہے ہیں، نواز شریف کہتے ہیں کہ ووٹ کو عزت دو کا نعرہ لگانے کی سزا انہیں مل رہی ہے.
مریم نواز نے کہا کہ نواز شریف کو اقامہ پر نکالا گیا، ان پر کرپشن ثابت نہیں ہوئی، نواز شریف سیاسی قیدی ہیں جو سول بالا دستی کا نعرہ لگانے کی سزا بھگت رہے ہیں.
مریم نواز کا مزید کہنا ہے سیلیکٹڈ وزیراعظم سے تو کوئی توقع نہیں وہ چھوٹا آدمی ہے لیکن عدالت نے نواز شریف کی صحت سے متعلق سرٹیفکیٹس کے باوجود کیوں علاج کے لئے ضمانت نہیں دی اس کےچقائق پتہ نہیں ،نواز شریف کو کچھ ہوا تو ذمہ دادی ان سب پہ عائد ہو گی ،مقدمہ عوام کی عدالت میں رکھتی ہوں
مریم نواز نے مزید کہا کہ نواز شریف کو علاج چاہئیے، اور علاج فوری نہیں سالوں میں ہو گا ،چھ ہفتوں میں کھانسی اور زکام کا علاج بھی نہیں ہو سکتا. جعلی حکومت سے ریلیف نہیں مانگ رہی جو خود کسی کا محتاج ہو وہ کسی کو کیا ریلیف دے سکتا ہے.
Leave a reply
