ٹینس کے انڈر 21 کھلاڑیوں کے لیے سیزن کے اختتام پر نیکسٹ جنریشن فائنل مقابلے 2023 سے 2027 تک جدہ میں کھیلے جائیں گے جبکہ ایسوسی ایشن آف ٹینس پروفیشنلز کے تحت پہلی مرتبہ ٹینس کے مقابلے سعودی عرب کے ساحلی شہر جدہ میں منعقد ہوں گے اور خیال رہے کہ یہ ٹورنامنٹ 2017 میں شروع ہونے کے بعد سے میلان میں منعقد کیا جا رہا ہے اور اس کی انعامی رقم کو بھی گذشتہ سال 14 لاکھ ڈالر سے بڑھا کر بیس لاکھ ڈالر کر دیا گیا۔
اے ٹی پی نے مارچ میں متعددعلاقوں میں میزبان شہروں کا جائزہ لینے کے لیے بولی لگانے کا عمل شروع کیا تھا جبکہ اے ٹی پی کے چیئرمین اینڈریا گوڈنزی نے ایک بیان میں کہا ہے کہ اے ٹی پی ٹور واقعی عالمی ہے اور ٹینس کے کھیل کے فروغ کے لیے نئی مارکیٹوں کی تلاش مرکزی حیثیت رکھتی ہے۔ اگلی نسل کے اے ٹی پی فائنلز کو جدہ میں لانا ہمارے پاس نوجوان آبادی والے خطے میں نئے شائقین کی حوصلہ افزائی اور ٹینس کے ارد گرد ناظرین کو متحد کرنے کا موقع ہے۔
مزید یہ بھی پڑھیں؛
غریب بچے اچانک خوشی سے جھوم اٹھے، جب ایک ٹوٹا کھلونا کباڑ سے نکلا
توشہ خانہ فوجداری کیس میں عمران خان کی اپیل پر سماعت آج ہو گی
ڈریپ نے دواؤں کی قیمت میں اضافے کی تردید کر دی
ہمبنٹوٹا،پاکستان نے افغانستان کو سنسنی خیز مقابلے کے بعد میچ اپنے نام کر دی
علاو ازیں انھوں نے کہا کہ ہم جدہ اور سعودی ٹینس فیڈریشن کو مبارک باد پیش کرتے ہیں۔ ہم مل کر ایونٹ کی ناقابل یقین کامیابی کو آگے بڑھانے کے منتظر ہیں تاہم گوڈنزی نے اس سال کے اوائل میں کہا تھا کہ سعودی عرب کے پبلک انویسٹمنٹ فنڈ (پی آئی ایف) کے ساتھ مثبت بات چیت ہوئی ہے۔
