عالمی منڈی میں خام تیل کی قیمت میں 4 فیصد تک کمی

لندن: عالمی منڈی میں خام تیل کی قیمت میں 4 فیصد تک کمی ہوئی ہے۔

باغی ٹی وی : امریکی خام تیل ڈبلیو ٹی آئی 74 ڈالر فی بیرل کی سطح پر موجود ہے دوران ٹریڈنگ برینٹ خام تیل کی قیمت 78 ڈالر فی بیرل ہوگئی،عالمی گیس کی قیمت 4 فیصد اضافے سے 2 ڈالر 70 سینٹ فی ایم ایم بی ٹی یو ہوگئی۔

دوسری جانب او جی ڈی سی ایل نے ضلع کوہاٹ میں واقع چندا کنواں نمبر 7سے پیداوار شروع کرنے کا اعلان کیا ہے ترجمان او جی ڈی سی ایل کے مطابق نئے کنویں سے 305بیرل یومیہ تیل کی پیداوار حاصل ہو رہی ہے، نئے کنویں سے 2.5ملین کیوبک فٹ یومیہ گیس کی پیداواربھی حاصل کی جا رہی ہےگیس کی پیداوارکو سوئی ناردرن نیٹ ورک میں شامل کر دیا گیا ہے،تیل و گیس کی اس پیداوار سے ملکی امپورٹ بل میں 22.57 ملین ڈالر سالانہ کی بچت ہو گی۔

علاوہ ازیں او جی ڈی سی ایل نے ضلع حیدر آباد میں واقع کنر کنواں نمبر 8 کی کامیاب بحالی کا اعلان کر دیا۔ مذکورہ کنویں سے 540بیرل یومیہ خام تیل کی پیداوارشروع ہوگئی ہے.ترجمان او جی ڈی سی ایل کا کہنا ہے کنر کنواں نمبر 8 کی اضافی پیداوار سے 15.949 ملین امریکی ڈالر کی سالانہ بچت ہو گی۔