اوکاڑہ میں پولیس کی منشیات فروشوں کے خلاف کریک ڈاؤن جاری

اوکاڑہ میں ڈسٹرکٹ پولیس آفیسر فیصل شہزاد کی ہدایت پر اوکاڑہ پولیس کا منشیات فروشوں کے خلاف کریک ڈاؤن جاری ہے جس پر عمل کرتے ہوئے تھانہ شیرگڑھ کے ایس ایچ او عدنان رفیق نے کارروائی کرتے ہوئے ایک منشیات فروش محمد اشرف کو منشیات فروشی کرتے ہوئے رنگے ہاتھوں گرفتار کر لیا

ملزم کے قبضہ سے 2کلو سے زاید چرس برآمد کر لی گئی شیرگڑھ پولیس نے گرفتار ملزم اشرف کے خلاف مقدمہ درج کر لیا ایس ایچ او عدنان رفیق کا کہنا ہے کہ منشیات فروش معاشرے کا بدنما دھبہ ہیں جو محض چند ٹکوں کی خاطر نوجوان نسل کو تباہ کر رہے ہیں انکے خلاف بھرپور کارروائیوں کا سلسلہ جاری رہے گا ۔