ون ڈے میچز کی سنچری پر ٹیم کا بابر کیلئے خصوصی تحفہ

پاکستان ٹیم کے کپتان بابر اعظم نے آج نیوزی لینڈ کے خلاف سیریز کا آخری ایک روزہ میچ کھیلنے کے ساتھ اپنے ون ڈے کیریئر میں میچز کی سنچری پوری کرلی۔ ون ڈے میچز کی سنچری مکمل کرنے پر کراچی میں 5 میچز کی سیریز کے آخری ون ڈے سے قبل پاکستان ٹیم کے کھلاڑیوں کی جانب سے بابر اعظم کو خصوصی تحفہ دیا گیا۔

Best Moment of the Day❤️.#BabarAzam𓃵 #BabarAzam #PakvsNz pic.twitter.com/sE9deRAYrh

— Ehtisham Siddique (@iMShami_) May 7, 2023

قومی کرکٹ ٹیم کے بیٹر محمد رضوان اور فاسٹ بولر شاہین آفریدی نے بابر اعظم کو 100 نمبر کی خصوصی جرسی پیش کی۔ جبکہ اس موقع پر ٹیم کے دیگر کھلاڑیوں نے بھی بابر اور ان کی خصوصی جرسی کے ہمراہ گروپ فوٹو بنوائی۔ بابر اعظم کے 100 ویں ون ڈے کے موقع پر پاکستان کرکٹ بورڈ کی جانب سے بابر اعظم کے ون ڈے اعزازات کی ایک فہرست شیئر کی گئی ہے، آئیے اس فہرست پر ایک نظر ڈالتے ہیں۔

بابر اعظم اپنے پہلے 25 ون ڈے میچز میں کسی بھی بیٹر سے زیادہ (1306 ) رنز بنانے اور کم سے کم 97 اننگز میں 5 ہزار رنز بنانے والے کرکٹر کا اعزاز رکھتے ہیں۔ ون ڈے میچز کی تاریخ میں بابر اعظم وہ واحد بیٹر ہیں جن کی ون ڈے اوسط 59.85 رہی، ون ڈے میچز میں اب تک یہ اعزاز صرف بابر اعظم کے پاس ہے۔ بطور کپتان 20 ون ڈے میچز میں بابر اعظم کی اوسط کسی بھی کپتان کے مقابلے سب سے زیادہ75.17 رہی، دوسرے نمبر پر بھارتی ویرات کوہلی ہیں جن کی اوسط 72.65 رہی۔ بابر کی 18 ون ڈے سنچریز کے میچز میں سے 14 میچز میں پاکستان کو فتح ملی،3 میں شکست جبکہ ایک میچ ٹائی ہوا۔

کپتان بابر اعظم وہ واحد بیٹر ہیں جو دو مرتبہ تین لگاتار ون ڈے سنچریز بناچکے ہیں۔ بابر اعظم 757 دن تک ون ڈے بیٹرز رینکنگ میں نمبر ون رہے ہیں۔ 2019 کے ون ڈے ورلڈکپ کے دوران بابر اعظم نے بطور پاکستانی بیٹر 474 رنز بنائے اس سے قبل کسی ایک ورلڈکپ میں اتنے رنز بنانے کا اعزاز کسی پاکستانی بیٹر کو حاصل نہیں رہا۔
مزید یہ بھی پڑھیں؛
آئین کا تحفظ ہمارے بنیادی فرائض میں شامل ہے۔ چیف جسٹس
100 واں ڈے،پی سی بی نے بابر اعظم کی فتوحات کی فہرست جاری کر دی
لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
بابر اعظم آئی سی سی چیمپئن ٹرافی کی فاتح ٹیم میں شامل تھے۔ بابر وہ واحد پاکستانی بلے باز ہیں جنہیں آئی سی سی مینز اوڈی آئی کرکٹر آف دی ایئر کے اعزاز سے نوازا گیا. 2022 میں بابر اعظم نے سرگار فیلڈ سوبرز کرکٹر آف دی ایئر 2022 بھی اپنے نام کیا تھا۔ جبکہ 2020 میں بابر اعظم نے پاکستان کے ویلیوایبل کرکٹ آف دا ایئر کا ایوارڈ حاصل کیا۔