بڑے پیمانے پر منشیات اور غیرملکی ادویات برآمد ،منشیات کے خلاف اپریشن مکمل ہیروِئین بنانے کی تین فیکٹریاں سیل

جمرود۔بڑے پیمانے پر منشیات اور غیرملکی ادویات برآمد ،منشیات کے خلاف اپریشن مکمل ہیروِئین بنانے کی تین فیکٹریاں سیل بھاری مقدار میں منشیات و غیر قانونی ادویات برآمد ، اطلاعات کےمطابق ڈسٹرکٹ پولیس آفیسر ڈاکٹر اقبال خان نے اپنے دفتر میں اے ڈی پی او محمد نواز ۔ڈی ایس پی جہانگیر آفریدی ۔ایس ایچ او اکبر افریدی۔اسسٹنٹ ایس ایچ او حضرت منیر کے ہمراہ پریس بریفنگ سے خطاب کرتے ہوئے کہا کہ تحصیل جمرود علاقہ وزیر ڈنڈ میں پولیس کا مختلف مکانات پر چھاپے و اپریشن کیا گیا جو کہ پانچ گھنٹے میں مکمل کیا گیا

ترجمان کے مطابق کہا گیا ہےکہ اس آپریشن میں ہیروِئین بنانے کی تین فیکٹریاں سیل جبکہ بھاری مقدار میں منشیات و غیر قانونی ادویات جس میں جنسی طاقت میں استعمال ہونے والے ادویات بھی شامل تھے برآمد کیں گئے ۔انہوں نے کہا کہ آپریشن میں کئی افراد گرفتار کیے گئے جن کا تعلق افغانستان سے ہیں فیکٹری میں تیار کی جانے والی ہیروئین ملکی اور بین الاقوامی سطح پر سپلائی کی جاتی تھی۔

انہوں نے کہا کہ ہیروئین بنانے والے آلات قبضہ میں لیکر تحقیقات شروع کردیاہےمنشیات کے خلاف اپریشن جاری رہے گا جبکہ پولیس منشیات کے خاتمے کے لیے کمربستہ ہے۔انہوں نے کہا کہ آئی جی پی خیبرپختونخوا اور سی سی پی او پشاور کے ہدایت پر کاروائی کی گئی جس میں مقامی پولیس نے موثر کاروائی کی جن کو خراج تحسین پیش کرتے ہیں۔انہوں نے کہا کہ آپریشن میں ایس ایچ او اکبر افریدی۔وزیر ڈھنڈ کے انچارج جمشید افریدی۔تختہ بیگ کے کمانڈر ذوالفقار علی نے اہم کردار ادا کیا۔