اپوزیشن کا شور شرابا، قومی اسمبلی کا اجلاس ملتوی

اپوزیشن کے احتجاج کے بعد قومی اسمبلی کا اجلاس غیر معینہ مدت کے لئے ملتوی کر دیا گیا

باغی ٹی وی کی رپورٹ کے مطابق قومی اسمبلی کا اجلاس ڈپٹی سپیکر قاسم سوری کی زیر صدارت ہوا، اسمبلی اجلاس میں اپوزیشن اراکین نے بازوؤں پر سیاہ پٹیاں باندھ کر شرکت کی، اپوزیشن اراکین نے اراکین اسمبلی کی گرفتاریوں کے خلاف اسمبلی اجلاس میں بھر پور احتجاج کیا اور ان کے پروڈکشن آرڈر کا مطالبہ کیا.

دوران اجلاس مسلم لیگ ن کے رہنما خواجہ آصف، احسن اقبال سپیکر ڈائس کے سامنے چلے گئے اور احتجاج کرتے رہے جس پر ڈپٹی سپیکر نے کہا کہ مجھے قانون کا پتہ ہے، ڈکٹیشن نہ دی جائے،

قومی اسمبلی اجلاس، خورشید شاہ کے پروڈکشن آرڈر کا مطالبہ آ گیا

اجلاس میں جعمیت علماء اسلام ف کے رکن قومی اسملبی مولانا اسعد محمود اظہار خیال کرنے کھڑے ہوئے تو پی ٹی آئی رکن عاصمہ حدید نے شور شرابہ شروع کردیا۔ اس دوران عاصمہ حدید اور جے یو آئی (ف) ارکان کے درمیان سخت الفاظ کا تبادلہ ہوا۔ مولانا اسعد محمود کا کہنا تھا کہ عمران خان کے دورہ امریکا کی بات ہوئی وہ پہلے بھی اپنے اقتدار کی بھیک مانگنے کے لئے گئے، آج بھی وہ اپنے اقتدار کو طول دینے کے لئے جا رہے ہیں، عاصمہ حدید وہی خاتون ہیں جو اسرائیل کو تسلیم کرنے کا کہتی ہیں۔

ہمیں پروڈکشن آرڈرز کی کوئی ضرورت نہیں، آصف زرداری

آئندہ سماعت پر آصف زرداری پر فرد جرم عائد کرنے کا فیصلہ

خورشید شاہ کی گرفتاری کے سوال پر آصف زرداری صحافیوں پر برس پڑے

آصف زرداری خورشید شاہ ملاقات،نیب افسر نے کہا ریمانڈ ملا ، ملاقات کی اجازت نہیں

قومی اسمبلی کا اجلاس ظہر کی نماز کےلیے 20 منٹ کے لیے ملتوی کیا گیا تھا تا ہم وقفے کے بعد کورم کی نشاندہی کی گئی، کورم کی نشاندہی ن لیگ کی ثمینہ مطلوب نے کی ،کورم کی نشاندہی کے ساتھ ہی اپوزیشن ایوان سے باہر چلی گئی ،کورم کی گنتی پر قومی اسمبلی ایوان میں کورم نامکمل نکلا ،کورم پورا نہ ہونے کی وجہ سے اجلاس ملتوی کر دیا گیا