سینیٹ کا اجلاس:اپوزیشن کا پیٹرولیم مصنوعات کی قیمتوں میں اضافے پر ایوان سے واک آؤٹ

سینیٹ کا اجلاس:اپوزیشن کا پیٹرولیم مصنوعات کی قیمتوں میں اضافے پر ایوان سے واک آؤٹ کر گئی-

باغی ٹی وی : چیئرمین صادق سنجرانی کی زیرصدارت سینیٹ کا اجلاس ہوا سینیٹ میں سینیٹر سکندر مندھرو کے انتقال پر دعائے مغفرت کی گئی قائد حزب اختلاف شہزاد وسیم نے کہا کہ سکندر مندھرو کی ابھی تک تدفین نہیں ہوئی،الیکشن کمیشن نے سکندر مندھرو کی خالی نشست کا شیڈول جاری کردیا، الیکشن کروانے کی بات ہوتی ہے تو الیکشن کمیشن کہتا ہے کہ تیاری نہیں-

عارف علوی صدرمملکت بن کے دکھائیں،کسی ایک شخص کی مرضی پر نہ چلیں،مراد علی شاہ

چئیرمین سینیٹ نے کہا کہ ہم نے ابھی تک نوٹیفائی نہیں کیا جسد خاکی امریکہ سے آنی ہے، سلیم مانڈوی والا نے کہا کہ سکندر مندھرو کی خالی نشست کے معاملے میں پیپلزپارٹی کا کوئی عمل دخل نہیں جبکہ بہرہ مند تنگی نے کہا کہ الیکشن کمیشن سکندر مندھرو کی خالی نشست پر شیڈول کو فوری روکے-

سینیٹر مشتاق احمد نے کہا کہ الیکشن کمیشن ایسے ہی ہے جیسے رضیہ غنڈوں میں پھنس گئی ہو،الیکشن کمیشن سے اپیل کرنے کا کوئی فائدہ نہیں، چیئرمین سینیٹ صادق سنجرانی الیکشن کمشنرکو طلب کریں-

سینیٹر سکندر مہندھرو کی وفات پر ایوان میں ایک منٹ کی خاموشی اختیار کی گئی-

سینیٹر اعظم سواتی نے کہا کہ الیکشن کمیشن سے جان چھڑانا ناگزیر ہے، امپورٹڈ حکومت غلامی قبول کرچکی وہ اس معاملے پر بات نہیں کرے گی-

سینیٹر یوسف رضا گیلانی نے کہا کہ سکندر مہندرو کے معاملے پر کسی ادارے کو تنقید کا نشانہ نہ بنایا جائے، کسی کو الیکشن کمیشن پر کوئی اعتراض ہے پوائنٹ پر بات کی جائے،ہمیں اداروں کی عزت کرنی چاہیے،سکندر میندھرو کے معاملے پرکسی ادارے کوتنقید کانشانہ نہ بنایا جائے-

یوسف رضا گیلانی نے کہا کہ گوپی چند کی وفات پر دکھ اور افسوس ہوا ہے،گوپی چند کے لواحقین کوسینیٹ کی طرف سے تعزیتی خط لکھا جائے-

سابق وفاقی وزیر حماد اظہر نے کہا کہ مداخلت عمران خان حکومت کے خلاف ہوئی اور سازش عوام کے خلاف، عمران خان حکومت روس سے سستا تیل لینے کے قریب تھی،بھکاری حکومت نے اقتدار کی خاطر عوام کو پیس ڈالا اور آزاد خارجہ پالیسی کا سودا کر دیا-

سینیٹ اجلاس ،وزیرخزانہ کی ایوان میں عدم موجودگی پر اپوزیشن نے شور شرابہ کیا اپوزیشن ارکان نے کہا کہ پیٹرولیم مصنوعات کی قیمتوں میں اضافے کی مذمت کرتے ہیں،وزیرخزانہ کہاں ہیں؟دن کو چھپ کر بیٹھ جاتےہیں،اپوزیشن لیڈر شہزاد وسیم نے چیئرمین سینیٹ سے مطالبہ کیا کہ وزیرخزانہ کو طلب کریں،اپوزیشن پیٹرولیم مصنوعات کی قیمتوں میں اضافے پر ایوان سے واک آؤٹ کر گئی چیئرمین سینیٹ نے دانیش کمار اور بہرہ مند تنگی کو اپوزیشن کو منانے کی ہدایت کی-

آئی ایم ایف کے معاہدے کیوجہ سے پیٹرولیم مصنوعات کی قیمتیں بڑھانے کے علاوہ کوئی چارہ نہیں ،وزیراعظم

سینٹر عرفان صدیقی کا ایوان سے اظہار خیال

عرفان صدیقی نے کہا کہ اپوزیشن کا احتجاج درست ہے لیکن کیا وجہ ہے کہ آج نوبت یہاں تک آئی ،جانے والے کو الزام ،آنے والے جانے پر سارا کچھ ڈالتے ہیں،ہو سکتا ہے آنے والے درست یا جانے والے درست یا پھر دونوں غلط ہوں،جانے والے کو الزام ،آنے والے جانے پر سارا کچھ ڈالتے ہیں،جب بھی سیاسی استحکام پیدا ہوا سیڑھی کھینچ لی گئی،32سال مارشل لا قبول کیا ، سیاستدانوں کو سارے کچھ کا ذمہ دار ٹھہرایا گیا،ہم نے کیا کیا تجربے نہیں دیکھے ،پاکستان ایک تجربہ گاہ ہے،بت تراشنے، بت پوچنے اور توڑنے کے نتائج نے آج اس نہج پر پہنچایا ہے سینیٹر عرفان صدیقی نے گوپی چند کی وفات پر اظہار خیال کیا کہا کہ گوپی چند کی ادب کیلئے بہت زیادہ خدمات ہیں جن کویاد رکھا جائے گا-

چیف الیکشن کمشنر کی تعیناتی پی ٹی آئی کی سب سے بڑی غلطی تھی،حماد اظہر