سربراہ پاک بحریہ ایڈمرل نوید اشرف سے بنگلہ دیش کی مسلح افواج ڈویژن کے پرنسپل اسٹاف افسر لیفٹیننٹ جنرل ایس ایم قمر الحسن نے ملاقات کی ہے .
آئی ایس پی آر کے مطابق ملاقات کے دوران باہمی دلچسپی کے امور اور علاقائی میری ٹائم سیکیورٹی صورتحال پر تبادلہ خیال کیا گیا ،بحری افواج کے درمیان تربیت، دو طرفہ دوروں اور بحری مشقوں کے انعقاد پر زور دیا گیا ،لیفٹیننٹ جنرل ایس ایم قمر الحسن نے میری ٹائم سیکیورٹی کے فروغ کے لیے پاک بحریہ کی کوششوں کو سراہا ،ملاقات میں دونوں ممالک کے مابین بحری تعلقات کو مزید فروغ دینے کے عزم کا بھی اعادہ کیا گیا۔
دوسری طرف بنگلہ دیش 🇧🇩 کی مسلح افواج کے ڈویژن کے پرنسپل سٹاف آفیسر (PSO) لیفٹیننٹ جنرل ایس ایم قمر الحسن نے وفد کے ہمراہ سیکرٹری دفاع، لیفٹیننٹ جنرل محمد علی (ریٹائرڈ) سے وزارت دفاع، راولپنڈی میں ملاقات کی۔سیکرٹری دفاع نے معزز مہمان کا پرتپاک استقبال کیا اور کہا کہ پاکستان بنگلہ دیش کے ساتھ اپنے تعلقات کو بہت اہمیت دیتا ہے۔ معزز مہمان نے بنگلہ دیش کے لوگوں کی طرف سے نیک خواہشات کا اظہار کیا اور دونوں ممالک کے درمیان تعاون کے متحرک دنوں کے لئے بنگلہ دیش کی خواہش کا اظہار کیا۔
بات چیت دوطرفہ دفاعی تعاون کو وسعت دینے پر مرکوز تھی۔ فریقین نے دونوں ممالک کے درمیان جاری تعاون پر اطمینان کا اظہار کیا اور باہمی فائدہ مند شعبوں میں تعاون کو مضبوط کرنے کا عزم کیا۔
چیمپئنز ٹرافی 2025 کے لیے بھارتی اسکواڈ کا اعلان
بہاولپور:سرائیکی چوک فرنیچر مارکیٹ میں آگ بھڑک اُٹھی
کراچی میں سرد ہوائیں چلنے سے سردی کی شدت میں اضافہ
