الیکشن 2024: پاکستان میں صاف اور شفاف انتخابات کا انعقاد ہوا،اپسوس سروے

ریسرچ کمپنی اپسوس (IPSOS) نے الیکشن 2024 کی شفافیت اور دھاندلی کے حوالے سے رپورٹ جاری کر دی، شفاف اور منصفانہ انتخابات کے حوالے سے ہر 5 میں سے 3 پاکستانیوں کا خیال ہے کہ ’انتخابات کا انعقاد شفاف تھا۔

باغی ٹی وی : اپسوس سروے کے مطابق 58 فیصد عوام نے کہا کہ،” الیکشن 2024 کے انتخابات شفاف اور منصفانہ تھے” اسی طرح پنجاب، بلوچستان اور سندھ کی عوام کا خیال ہے کہ الیکشن کے دن کا عمل منصفانہ اور شفاف تھا،اپسوس نے چاروں صوبوں سے 11 تا 19 فروری کے دوران 3 ہزار سے زائد لوگوں کا سروے کیا، جنہوں نے انتخابات کی شفافیت اور دھاندلی کے حوالے سے اپنی رائے دی-

تمام سوشل میڈیا پلیٹ فارمز پر پابندی کیلئے سینیٹ میں قرارداد جمع

سروے کے مطابق 58 فیصد عوام کا خیال ہے کہ ’الیکشن 2024 کے انتخابات شفاف اور منصفانہ تھے، پنجاب، بلوچستان اور سندھ کی عوام کا خیال ہے کہ ’الیکشن کے دن کا عمل منصفانہ اور شفاف تھا، پنجاب میں 63 فیصد، سندھ میں 62 فیصد، بلوچستان میں 55 فیصد، اسلام آباد میں 61 فیصد جبکہ خیبر پختونخوا میں 33 فیصد عوام کے مطابق الیکشن شفاف کروائے گئے۔

بھارت نے پاکستان آنے والے بحری جہاز کو روک لیا

انتخابات میں دھاندلی کے حوالے سے 54 فیصد پاکستانیوں کا خیال ہے کہ انتخابات شفاف منعقد ہوئے جبکہ 39 فیصد کا خیال ہے کہ انتخابات میں دھاندلی ہوئی، انتخابات میں دھاندلی کے مجموعی تاثر کے حوالے سے عوام کا خیال ہے کہ ’خیبر پختونخوا میں 73 فیصد، اسلا م آباد میں 49 فیصد جبکہ سندھ میں سب سے کم 28 فیصد دھاندلی ہوئی، موبائل سروس بند کرنے کے حوالے سے 16 فیصد خیبر پختو نخوا جبکہ 45 فیصد بلوچستان کی عوام نے اس عمل کو بہترین قرار دیا.

انتخابات کے بعد اپسوس سروے رپورٹ سے یہ ثابت ہوتا ہے کہ پاکستان میں صاف اور شفاف انتخابات کا انعقاد ہوا۔

سعودی عرب میں مساجد میں افطار کرنے پر پابندی عائد