پاکستان بیت المال اوراٹالین ماڈرن برن اینڈ پلاسٹک سرجری سنٹر کے مابین معاہدہ

پاکستان بیت المال اور اٹالین ماڈرن برن اینڈ پلاسٹک سرجری سنٹر کے مابین معاہدہ
باغی ٹی وی کی رپورٹ کے مطابق ایم ڈی پاکستان بیت المال عون عباس بپی نے پاک اٹالین ماڈرن برن اینڈ پلاسٹک سرجری سنٹر کا دورہ کیا

ایم ڈی پاکستان بیت المال نے مریضوں کی عیادت کی اور مستحق مریضوں کو درپیش مسائل سے متعلق انتظامیہ سے معلومات حاصل کیں۔ پاکستان بیت المال اور اٹالین ماڈرن برن اینڈ پلاسٹک سرجری سنٹر کے مابین برن یونٹ میں آنے والے مستحق مریضوں کے مفت علاج کے حوالے باہمی یاداشت کے معاہدوں پر دستخط ہوگئے۔

معاہدہ پرایم ڈی پاکستان بیت المال عون عباس بپی اور انچارج اٹالین ماڈرن برن اینڈ پلاسٹک سرجری سنٹر ڈاکٹر ناہید احمد نے دستخط کیے۔ ایم ڈی پاکستان بیت المال عون عباس کا کہنا ہے کہ جنوبی پنجاب میں حادثاتی طور پر جلنےوالوں غریب لوگوں کو علاج کے لئے بہت مشکلات کا سامنا تھا۔ دیگر مہلک امراض کے علاج کے ساتھ ساتھ جل جانے والے لوگوں کو بھی اب پاکستان بیت المال سے امداد کی سہولت میسر ہوگی۔ وزیر اعظم عمران خان کی اولین ترجیح غریب اور مستحق افراد کو ہر ممکن مدد اور سہولیات انکی دہلیز پر فراہم کرنا ہے، عون عباس بپی،

عون عباس بپی کا مزید کہنا تھا کہ مفت علاج، تعلیم اور معاشی بحالی اس حکومت کی اولین ترجیح ہے، پاکستان بیت المال ان تینوں شعبوں میں اپنا بھرپور کردار ادا کر رہا ہے۔

جواب چھوڑیں

آپ کا ای میل ایڈریس شائع نہیں کیا جائے گا.