پاکستان میں کرونا سے اموات کا سلسلہ جاری، مریضو‌ں میں بھی اضافہ

0
17

پاکستان میں کرونا سے اموات کا سلسلہ جاری، مریضو‌ں میں بھی اضافہ

باغی ٹی وی کی رپورٹ کے مطابق پاکستان میں کرونا کی دوسری لہر جاری ہے، کرونا مریضوں اور اموات میں مسلسل اضافہ ہو رہا ہے

این سی او سی کے مطابق کرونا سے پاکستان میں مزید 33 اموات اور ایک ہزار 315 نئے مریض سامنے آئے ہیں۔ پاکستان میں کورونا سے اموات کی مجموعی تعداد 12 ہزار 837 تک پہنچ گئی جبکہ متاثرہ افراد کی مجموعی تعداد 5 لاکھ 78 ہزار 797 ہو گئی ہے۔پاکستان میں کرونا کے ایکٹو مریضوں کی تعداد 21 ہزار 554 ہے اور 24 گھنٹے میں مزید 2 ہزار 13 افراد کورونا سے صحتیاب ہوئے۔

این سی او سی کے مطابق اسلام آباد میں کورونا مریضوں کی تعداد 44 ہزار 106، خیبر پختونخوا میں 72 ہزار 3، سندھ میں 2 لاکھ 57 ہزار 730، پنجاب میں ایک لاکھ 70 ہزار 817، بلوچستان میں 19 ہزار 38، آزاد کشمیر میں 10 ہزار 147 اور گلگت بلتستان 4 ہزار 956 افراد کورونا سے متاثر ہوچکے ہیں۔

این سی او سی کے مطابق کورونا سے پنجاب میں 5 ہزار 337 افراد جان کی بازی ہار چکے ہیں جبکہ سندھ میں 4 ہزار 335، خیبر پختونخوا میں 2 ہزار 70، اسلام آباد میں 496، گلگت بلتستان میں 102، بلوچستان میں 200 اور آزاد کشمیر میں 297 افراد جان کی بازی ہار چکے ہیں۔

این سی او سی کے مطابق پاکستان میں کورونا کی ویکسینیشن جاری ہے اور پہلے مرحلے میں ہیلتھ ورکرز کو کورونا ویکسین لگائی جا رہی ہے جبکہ 63 سال سے بڑی عمر کے افراد کو بھی ویکسینیشن کا عمل شروع کیا جا چکا ہے۔

Leave a reply