پاکستان میں‌ کرونا کی سپیڈ جاری، 24 گھنٹوں میں‌2 ہزار سے زائد نئے مریض، اموات میں بھی اضافہ

پاکستان میں‌ کرونا کی سپیڈ جاری، 24 گھنٹوں میں‌2 ہزار سے زائد نئے مریض، اموات میں بھی اضافہ
باغی ٹی وی کی رپورٹ کے مطابق پاکستان میں کرونا کا پھیلاؤ جاری ہے، مریضوں اور اموات میں اضافہ ہوا ہے،گزشتہ 24 گھنٹوں میں ‌2076 نئے مریض سامنے آئے جبکہ 36 افراد جان کی بازی ہار گئے

کرونا وائرس کے حوالہ سے بنائے گئے نیشنل کمانڈ اینڈ آپریشن سینٹر کی جانب سے جاری کردہ تازہ ترین اعدادوشمار کے مطابق گذشتہ 24 گھنٹوں کے دوران 2076 نئے مریض سامنے آئے، پنجاب میں 22 ہزار 37، سندھ میں 24 ہزار 206، خیبر پختونخوا میں 8 ہزار 483، بلوچستان میں 3 ہزار 616، گلگت بلتستان میں 651، اسلام آباد میں 2 ہزار 15 جبکہ آزاد کشمیر میں 219 مریض ہیں

پاکستان میں اب تک 5 لاکھ 8 ہزار 86 افراد کے ٹیسٹ کئے گئے، گذشتہ 24 گھنٹوں کے دوران 8 ہزار 491 نئے ٹیسٹ کئے گئے، اب تک 20 ہزار 231 مریض صحتیاب ہوچکے ہیں جبکہ کئی مریضوں کی حالت تشویشناک ہے۔

پاکستان میں کورونا سے ایک دن میں 36 افراد جان کی بازی ہار گئے جس کے بعد اموات کی مجموعی تعداد ایک ہزار 260 ہوگئی۔ سندھ میں 380، پنجاب میں 381، خیبر پختونخوا میں 425، گلگت بلتستان میں 9، بلوچستان میں 41 اور اسلام آباد میں 19 مریض جاں بحق ہو چکے ہیں. اب تک 462 ہسپتالوں میں قائم قرنطینہ مراکز مریضوں کا علاج جاری ہے، ان ہسپتالوں میں 7295 بیڈز کا بندوبست کیا گیا ہے.