وفاقی وزیرامورکشمیرو گلگت بلتستان علی امین گنڈا پور نے کہا ہے کہ بھارتی رہنماؤں کے غیرذمہ دارنہ بیانات سے پاکستان متاثرنہیں ہوگا ،پاکستان ایک ذمہ دار ایٹمی ملک ہے،

بھارت کی ہٹ دھرمی پوری دنیا پر واضح ہو چکی، علی امین گنڈا پور

باغی ٹی وی کی رپورٹ کے مطابق علی امین گنڈا پور نے اسلام آباد میں میڈیا سے گفتگو کرتے ہوئے کہا کہ مسئلہ کشمیر عالمی سطح پربھرپورطریقے سے اُجاگرہوچکا ہے ،بھارت ایک نام نہاد سیکولرریاست سے انتہا پسند ہندو ملک بننے جا رہا ہے ،پاکستان مسئلہ کشمیرپرایک مضبوط موقف اپنائے ہوئے ہے ،مؤثرسفارت کاری کے باعث دنیامسئلہ کشمیرکی حساسیت کوجاننا شروع ہو گئی ہے.

مودی دہشت گرد، حافظ سعید کی باتیں آج درست ثابت ہوئیں، مبشر لقمان

مسئلہ کشمیر پہلے سے زیادہ پیچیدہ، بھارت نے خطرناک کھیل کھیلا، شاہ محمود قریشی

علی امین گنڈا پور نے مزید کہا کہ بھارت کشمیر کی ڈیمو گرافی بدلنا چاہتا ہے لیکن اسے ناکامی ہو گی ۔مودی سرکار بوکھلاہٹ کا شکار ہے۔ کشمیری جدوجہد آزادی میں قربانیاں پیش کر رہے ہیں ۔پاکستان کشمیری کی تحریک آزادی کی سفارتی و اخلاقی حمایت جاری رکھے گا

علی امین گنڈا پور کا مزید کہنا تھا کہ کشمیر کا مسئلہ اقوام متحدہ میں ہے اور سات دہائیوں سے حل طلب ہے۔ عالمی برادری کو بھی کشمیریوں پر ہونے والے مظالم کا نوٹس لینا چاہئے

کشمیری جوانوں کا ماورائے عدالت قتل، عالمی دنیا بھارت کو روکے، پاکستان

علی امین گنڈا پور نے مزید کہا کہ بھارت پاکستان کی فوجی طاقت کی credibility اور capability سے بخوبی واقف ہے او ر جانتا ہے کہ پاکستان کیا کچھ کر نے کی صلاحیت رکھتا ہے۔ ہم امن کو ترجیح دیتے ہیں اور بھارت کی گیڈر بھبکیوں کی بجائے آزمانے پر پہلے کی طرح بھارت کو سرپرائز دیں گے۔

علی امین گنڈا پور نے کہا کہ پاکستان کے عوام،سول اور فوجی حکومت ایک پیج پر ہیں اور ہم کسی قسم کی بھارتی جارحیت کا منہ تو ڑ جواب دیں گے۔انہوں نے کہا کہ فوج کے سربراہ کی مدت ملازمت میں توسیع پاکستان کی سیکورٹی پالیسی کے تسلسل کی واضح ترجمانی ہے جس سے اندرون وبیرون ملک موجود ملک دشمن عناصر کو واضح پیغا م دیا گیا ہے کہ پاکستان اپنے داخلی و خارجی سیکورٹی معاملات پراپنی پالیسیز پر قائم ہے اور خطے میں امن کی کوششوں کی حوصلہ افزائی کے ساتھ ساتھ اپنے دفاع کو ناقابل تسخیر بنانے کا عمل بھی جاری رکھے گا۔