پوری پاکستانی قوم کو اپنی افواج پاکستان پر فخر ہے .
دہشت گردی کے خلاف سیکورٹی اداروں کا کردار قابل تحسین ہے .
تفصیلات: (شان رسول سے)
پاکستان کو امن کا گہوارہ بنائیں گے ان خیالات کااظہار قومی امن کمیٹی برائے بین المذاہب ہم آہنگی پنجاب کے پریس سیکرٹری( شیخ محمد عثمان بھراڑہ )،ضلعی صدر عمردراز بھٹی، سٹی صدر محمد مرید سلطان ٹوانہ نے مشترکہ پریس کانفرنس سے خطاب کے دوران کیا.
اس موقع پر قومی امن کمیٹی برائے بین المذاہب ہم آہنگی پنجاب کے پریس سیکرٹری شیخ محمد عثمان بھراڑہ نے خطاب کرتے ہوئے کہا کہ افواج پاکستان ہماری نظریاتی سرحدوں کی محافظ ہے .
افواج پاکستان کی قربانیوں کو کبھی فراموش نہیں کیا جا سکتاہر مشکل وقت میں ہماری سیکورٹی اداروں نے اپنا بھرپور کردار ادا کیا دہشت گردی کے خاتمے کے سلسلہ میں پاک فوج سیکورٹی اداروں اور پولیس کا کردار قابل تحسین ہے .
بیرونی طاقتیں پاکستان کے حالات خراب کرنا چاہتی ہیں ہم سب مل کر اغیار کی سازشوں کو ناکام بنائیں گے انہوں نے مزید کہا کہ تمام مکاتب فکر سے تعلق رکھنے والے علما کرام اور سول سوسائٹی کے افراد آگے بڑھیں .
حکومت اور اداروں کا بھر پور ساتھ دیں اس موقع پر انہو ں نے قومی امن کمیٹی برائے بین المذاہب ہم آہنگی گورنمنٹ آف پاکستان ضلع چنیوٹ کے لئے عمردراز بھٹی کو ضلعی صدر اور مریدسلطان ٹوانہ کو سٹی صدر،رانا تجمل کو ضلعی کوآرڈینٹر، رانا عبدالغفار کو ضلعی آرگنائزر نامزد کرنے کا اعلان کیا۔
