پاکستان زندہ باد: پاکستانی سائنسدانوں نے وینٹى لیٹر تیار کر لیا استعمال کی منظوری بھی مل گئی

اسلام آباد: پاکستان زندہ باد: پاکستانی سائنسدانوں نے وینٹى لیٹر تیار کر لیا استعمال کی منظوری بھی مل گئی ،اطلاعات کے مطابق پاکستان ایٹمى توانائى کمیشن (پی اے ای سی) نے قومی توقعات پر پورا اترتے ہوئے کورونا کى وبا کے تناظر میں ملکی وسائل سے تیار کردہ پہلا آئی سی یو وینٹى لیٹر آئی لیو (i-Live)کے نام سے متعارف کرا دیا ہے،

ادھر اسلام آباد سے ذرائع کے مطابق ڈریپ نے اس وینٹى لیٹرکے استعمال اور تیاری کی باقاعدہ منظوری دے دی ہے ۔

پی اے ای سی کی جانب سے جاری پریس ریلیز کے مطابق یہ وینٹى لیٹر پاکستان ایٹمى توانائی کمیشن کے سائنسدانوں اور انجینئرز نے مقامى وسائل سے تمام تر مروجہ طبى معیارات کے مطابق تیار کیا ہے۔

اس سلسلہ میں پاکستان ایٹمى توانائی کمیشن کے ہسپتالوں کے ڈاکٹرزنے بھى قابل قدر رہنمائی فراہم کى۔ بہت سى سائنسى جانچ کے علاوہ یہ وینٹی لیٹر پاکستان انوویشن اینڈ ٹیکنالوجی سنٹر (پی آئی ٹی سی) اور پاکستان انجینئرنگ کونسل (پی ای سی)کے معیارات پر بھى پورا اترا ہے۔

اس وینٹی لیٹر مشین پر جناح ہسپتال لاہور میں بھى جانچ کى گئى۔ اس جانچ میں بہت سے ماہرین جن میں طبى ماہرین، بائیو ٹیکنالوجی اور بائیو میڈیکل انجینئرز شامل تھے، نے اس کو کامیاب قرار ديا ہے۔

اس موقع پاکستان ایٹمى توانائی کمیشن کے سربراہ محمد نعیم نے سائنسدانوں اور انجینئرز کو مبارکباد پیش کرتے ہوئے اس یقین کا اظہار کیا کہ ڈریپ کی اس فائنل منظورى کے بعد I-Live نامى اس وینٹى لیٹر کى بڑے پیمانے پر تیارى شروع کردى جائے گى تاکہ کورونا وائرس کی وبا کے دنوں میں مریضوں کو جلد از جلد یہ سہولت مہیا کى جاسکے۔