پاکستانیوں کو امریکی ویزا کے حصول کیلئے آسانی

امریکی ویزا کے حامل پاکستانی شہریوں کے لیے انٹرویو کی شرط سے چُھوٹ کی اہلیت میں توسیع کردی گئی۔

باغی ٹی وی: پاکستان میں امریکی سفارتی مشن سے جاری اعلامیہ میں کہا گیا ہے کہ ہمیں یہ اعلان کرتے ہوئے خوشی محسوس ہو رہی ہے کہ امریکی سفارت خانہ اسلام آباد اورامریکی قونصل خانہ کراچی سے امریکہ کے بی ون بی ٹو سیاحتی اور کاروباری ویزوں کی تجدید کے لیے پاکستانیوں کی اہلیت میں مزید توسیع کر دی گئی ہے، درست و یزےکی مدت 48 ماہ کے درمیان ختم ہونے والے شہری اہل ہیں۔

بےنظیر انکم سپورٹ میں اربوں روپے کی بے ضابطگیاں

ماضی میں 45 برس یا اس سےزیادہ عمر کےپاکستانی شہری اہل تھےاسٹوڈنٹ اور پٹیشن کی بنیاد پرکام کا ویزا رکھنےوالے بھی انٹرویوسے استثنیٰ ہونگے جبکہ ویزے میں توسیع کی سہولت رواں سال میں بھی جاری رہے گی۔

ویزاانٹرویوسےاستثنیٰ میں توسیع کی مذکورہ انتظامی تبدیلی کا مقصد صارفین کے لیےخدمات کی فراہمی میں بہتری اوراہل پاکستانی شہریوں کے سیاحتی اور کاروباری ویزوں کی تجدید کے عمل کو مؤثر بنانا ہے-

چین پاکستان کا دوست ملک ہے اور یہ دوستی ہمیشہ قائم رہے گی۔ چینی سفیر

تاہم ویزا رکھنے والے بعض اہل شہریوں کو درخواست جمع کرانے کے بعد امریکی قانون کےتقاضوں کےتحت امریکی سفارتخانہ یا قونصل خانہ میں انٹرویو کے لیے پیش ہونا پڑ سکتا ہے، درخواست گزار ویزا انٹرویو سے استثنیٰ کی اہلیت کے تعین کے لیے ویب سائیٹ سے معلومات حاصل کر سکتے ہیں-

ایسے امیدوار جن کو اب استثنیٰ حاصل ہےمگر جو پہلےہی انٹرویو کے لیے تاریخ متعین کر چکے ہیں انہیں چاہیے کہ وہ آن لائن اپنی پیشگی اپائنٹمنٹ منسوخ کروائیں، اور ازسر نو "نئی درخواست ” سے انٹرویو سے استثنیٰ کے آن لائن مراحل پر عمل کریں، انٹرویو سے مستثنیٰ درخواستوں کے سلسلہ میں مجاز کوریئر سروسز کی تفصیلات جاری کر دی گئیں ہیں-

پی ایس ایل فرنچائز اسلام آباد یونائیٹڈ اور نجی کمپنی کے درمیان معاہدہ