لاہور قذافی سٹیڈیم ،پاکستان نے بنگلہ دیش کو 7 وکٹو ں سے شکست دے دی ، ایشیا کپ سپر فور مرحلے کے پہلے میچ میں پاکستان نے بنگلہ دیش کو سات وکٹوں سے ہرا دیا۔ قذافی اسٹیڈیم لاہور میں کھیلے گئے میچ میں پاکستان نے بنگلہ دیش کی جانب سے دیا گیا 194 رنز کا ہدف تین وکٹوں کے نقصان پر 39.3 اوور میں حاصل کر لی۔
پاکستان کی جانب سے امام الحق 79 رنز کے ساتھ نمایاں رہے جب کہ رضوان نے ناقابل شکست 63 رنز کی باری کھیلی۔
قبل ازیں بنگلادیش کی پوری ٹیم 39 ویں اوور میں 193 رنز بنا کر آؤٹ ہوگئی تھی، وکٹ کیپر بلے باز مشفق الرحیم 64 رنز بنا کر نمایاں رہے، پاکستان کی جانب سے حارث رؤف نے 4، نسیم شاہ نے 3، شاہین شاہ آفریدی، فہیم اشرف اورافتخار احمد نے ایک، ایک وکٹ حاصل کی۔
سپر فو ر مرحلے کے پہلے میچ میں بنگلا دیش نے پاکستان کے خلاف ٹاس جیت کر پہلے بیٹنگ کا فیصلہ کیا لیکن یہ آغاز بنگلادیش کیلئے اچھا ثابت نہ ہوسکا، میچ کے دوسرے اوور میں بنگلادیشی اوپنرز مہدی حسن میراز بغیر کوئی رنز کیے نسیم شاہ کی گیند پر فخر زمان کو کیچ دے بیٹھے۔
بنگلادیش کو دوسرا نقصان پانچویں اوور کی چوتھی گیند پر لٹن داس کی صورت اٹھانا پڑا جب بنگلادیشی بیٹر لٹن داس 16 رنز بنا کر شاہین کا شکار ہوئے، حارث رؤف نے بھی آتے ہی دھاک بٹھا دی اور اپنے پہلے ہی اوور میں نعیم کو پویلین واپس بھیج دیا جبکہ اپنے دوسرے اوور کی پہلی ہی گیند پر بنگلا دیشی بلے باز توحید کو بھی چلتے کیا۔
،پہلی وکٹ فخر زمان کے صورت میں اور دوسری بابر اعظم 22 بالز پر 17 رنز بنا کر پویلین لوٹ گئے، تیسری وکٹ امام الحق 84 بالز پر 78 رنز بنا کر آوٹ ہو گئے کریز پر اس وقت محمد رضوان اور سلمان علی آغا موجود ہے قومی ٹیم کو جیتنے کے لئے 97 گیندوں پر 30 رنز درکار ہے
پہلی اننگز
بنگلہ نے ٹاس جیت کر بیٹنگ کا فیصلہ کیا
ایشیا کپ کے سپر فو ر مرحلے کے پہلے میچ میں بنگلا دیش نے پاکستان کے خلاف ٹاس جیت کر پہلے بیٹنگ کا فیصلہ کیا ہے۔ لاہور میں قذافی سٹیڈیم میں ٹاس کے بعد گفتگو کرتے ہوئے بنگلادیش کرکٹ ٹیم کے کپتان شکیب الحسن نے کہا کہ اگر ہم زیادہ رنز بناتے ہیں تو اس سے مخالف ٹیم پر دباؤ پڑے گا۔اس موقع پر پاکستان کرکٹ ٹیم کے کپتان بابر اعظم نے کہا کہ ہم بھی پہلے بیٹنگ ہی کرتے، گزشتہ رات ہم نے دیکھا کہ حالات نے فاسٹ باؤلرز کی مدد کی، میچ جیتنے کی کوشش کریں گے۔
ایشیا کپ کے سپر فور مرحلے کا پہلا میچ آج قذافی اسٹیڈیم لاہور میں پاکستان اور بنگلا دیش کے درمیان کھیلا جارہا ہے،پاکستان اب تک گروپ اے میں پوائنٹس ٹیبل پر تین پوائنٹس اور 4.76 کے نیٹ رن ریٹ کے ساتھ سرفہرست ہے جبکہ اس کے مخالف آج گروپ بی میں دو پوائنٹس کے ساتھ دوسرے نمبر پر ہیں۔
گرین شرٹس – کپتان بابر اعظم کی قیادت میں ٹورنامنٹ کا اپنا تیسرا اور پاکستان میں ہونے والا دوسرا میچ کھیل رہے ہیں۔
پاکستان اور نیپال کے درمیان ٹورنامنٹ کا افتتاحی میچ ملتان میں کھیلا گیا جب کہ پاکستان اور بھارت کا بلاک بسٹر آمنا سامنا بارش کی وجہ سے روکا گیا، سری لنکا کے پالکیلے میں کھیلا گیا۔
Leave a reply
