فلسطین ، گھر گھر تلاشی کے دوران 7 فلسطینی گرفتار

فلسطین کے مقبوضہ مغربی کنارے میں اسرائیلی فوج نے گھر گھر تلاشی کے دوران سات فلسطینی گرفتار کر لیے۔ ان فلسطینیوں کو تفتیش کے لیے حراستی مراکز میں منتقل کر دیا ہے۔

15سال بعد رہا ہونے والے فلسطینی کی خوشی کا سماں نہ جب وہ پہنچا ، کہاں‌ پہنچا خبر نے ہلچل مچادی

مرکز اطلاعات فلسطین کے مطابق زیادہ تر گرفتاریاں غرب اردن کے جنوبی شہر الخلیل سے کی گئیں جہاں اسرائیلی فوج کئی گھنٹوں تک فلسطینیوں کی گاڑیوں اور گھروں کی تلاشی لیتی رہی۔

مقامی فلسطینی ذرائع نے بتایا کہ اسرائیلی فوج نے صحافی محمد عوض ، 16 سالہ محمد بسام منیر اخلیل، 17 سالہ عبدالعزیز محمد شفیق اخلیل، 18 سالہ عبداللہ امجد عمر الطیط اور 18 سالہ محمد نظام نمر اخلیل کو الخلیل شہر سے گرفتار کیا۔

واضح رہے کہ قابض اسرائیلی فوج کی طرف سے فلسطینیوں کے گھروں کی تلاشی کا سلسلہ روزانہ کی بنیاد پر جاری ہے۔