پشاور جلسے پر سرکاری وسائل کا بے دریغ استعمال، سیلاب زدگان ترستے رہے

تحریک انصاف کے پشاور جلسے میں سرکاری وسائل کے استعمال کی ویڈیو سوشل میڈیا پر وائرل ہے جبکہ سیلاب زدگان ترس رہے ہیں.

تحریک انصاف نے پشاور جلسے کے لیے سرکاری وسائل کا استعمال کیا جس کی وڈیو سوشل میڈیا پر وائرل ہو گئی ہے۔ ویڈیو میں دیکھا جا سکتا ہےکہ پشاور ڈیولپمنٹ اتھارٹی کی گاڑی کے ذریعے تحریک انصاف کے جھنڈے لگائے جا رہے ہیں۔ رنگ روڈ سے گزرنے والے شہریوں نے ویڈیو بنا کر سوشل میڈیا پر ڈال دی ہے جس پر صارفین سخت تنقید کررہے ہیں.

اور صارفین کا کہنا پے کہ لوگ سیلاب میں مر رہے ہیں لیکن خیبر پختونخواہ حکومت سو رہی لیکن عمران خان کے پشاور جلسے کیلئے سرکاری گاڑیاں استعمال کی جارہی لیکن انہیں یہ توفیق نہیں ہوئی کہ غریب عوام کیلئے یہ وسائل بروئے کار لائیں. ایک شخص نے تو اتنے تک کہا کہ انکی بے حسی بازی لے گئی اور سارا سرکاری فنڈ حکومت نیازی لے گئی، جو عیاشی اور جلسوں پر ضائع کیا گیا ہے.

ایک صارف نے کہا کہ: پشاور میں اپوزیشن کے جلسے کو رُکوانے کیلئے حکومتی مشینری کا بے دریغ استعمال کیا گیا تھا اور جگہ جگہ رکاوٹیں لگائی تھی لیکن عمران نیازی کے پشاور جلسہ کیلئے سرکاری گاڑی ان کے پارٹی کے جھنڈے لگاتی رہی.

سینئر صحافی غریدہ فاروقی نے ویڈیوز شیئر کرتے ہوئے لکھا: پشاور جلسے کی ایک اور واضح ویڈیو دیکھ لیجیے۔ جلسہ گاہ مکمل خالی۔ پشاور سمیت پورےKP کےعوام کی عدم شرکت؛ عدم دلچسپی؛ باوجود اسکے کہ تمام تر صوبائی وسائل اس جلسے کے انعقاد کیلئے جھونک دیے گئے۔ لیکن لوگوں نے مسترد کر دیا۔ صاف واضح ہے عوام اب عمران خان کی سیاست میں دلچسپی نہیں لے رہے۔

پشاور جلسے کی ایک اور واضح ویڈیو دیکھ لیجیے۔ جلسہ گاہ مکمل خالی۔ پشاور سمیت پورےKP کےعوام کی عدم شرکت؛ عدم دلچسپی؛ باوجود اسکے کہ تمام تر صوبائی وسائل اس جلسے کے انعقاد کیلئے جھونک دیے گئے۔ لیکن لوگوں نے مسترد کر دیا۔ صاف واضح ہے عوام اب عمران خان کی سیاست میں دلچسپی نہیں لے رہے۔ pic.twitter.com/RLgJBLx06B

— Gharidah Farooqi (@GFarooqi) September 6, 2022

ایک اور ٹوئیٹ میں غریدہ نے لکھا: پشاور جلسہ؛ عمران خان کی تقریر سے قبل ہی لوگوں نے واپس جانا شروع کر دیا۔ تقریر کا انتظار ہی نہ کیا۔ خان کی تقریر شروع ہوتے ہی مزید لوگ بھی جلسہ گاہ سے نکلنا شروع ہو گئے۔

پشاور جلسہ؛ عمران خان کی تقریر سے قبل ہی لوگوں نے واپس جانا شروع کر دیا۔ تقریر کا انتظار ہی نہ کیا۔ خان کی تقریر شروع ہوتے ہی مزید لوگ بھی جلسہ گاہ سے نکلنا شروع ہو گئے۔ پشاور میں عوام کی عمران خان جلسے میں عدم شرکت، عدم دلچسپی۔ مصدقہ رپورٹس کےمطابق بمشکل 7, 8ہزار لوگ موجود۔ pic.twitter.com/KYMsTkTdRP

— Gharidah Farooqi (@GFarooqi) September 6, 2022

انہوں نے مزید لکھا: پشاور میں عوام کی عمران خان جلسے میں عدم شرکت، عدم دلچسپی۔ مصدقہ رپورٹس کےمطابق بمشکل 7, 8ہزار لوگ موجود ہیں.