ٹاس جیت کرمیچ جیتنے کےلیے پشاورزلمی نے اسلام آباد یونائیٹڈ کوبیٹنگ کی دعوت دےدی

راولپنڈی :ٹاس جیت کرمیچ جیتنے کےلیے پشاورزلمی نے اسلام آباد یونائیٹڈ کوبیٹنگ کی دعوت دےدی ،اطلاعات کےمطابق آج پنڈی میں کھیلے جانے والے پی ایس ایل کے اہم میچ میں پشاور زلمی نے اسلام آبادیونائیٹڈ کے خلاف ٹاس جیت کر پہلے فیلڈنگ کا فیصلہ کیا ہے۔

پاکستان سپر لیگ (پی ایس ایل) سیزن فائیو میں آج دو میچ کھیلا جائیں گے۔ پہلا میچ پشاور زلمی اور اسلام آباد یونائیٹڈ کے درمیان راولپنڈی کرکٹ اسٹیڈیم میں کھیلا جا رہا ہے جب کہ دوسرا میچ شام 7 بجے لاہور قلندرز اور کوئٹہ گلیڈی ایٹرز کے درمیان قذافی اسٹیڈیم لاہور میں کھیلا جائے گا۔

پاکستان کے بیشتر بالائی علاقے ان دنوں بارش کی لپیٹ میں ہیں اور گزشتہ روز لاہور میں بھی بارش کے باعث ملتان سلطانز اور کراچی کنگز کے درمیان میچ بے نتیجہ ختم ہوگیا تھا۔راولپنڈی میں بھی اس وقت موسم شدید سرد ہے اور گراؤنڈ میں پانی کی وجہ سے ٹاس میں بھی تاخیر ہوئی۔