مشیر خزانہ شوکت ترین نے کہا ہے کہ پیٹرولیم ڈویلپمنٹ لیوی ہرماہ 4 روپےفی لیٹربڑھانی ہےپیٹرولیم ڈویلپمنٹ لیوی کو30 روپےتک لےکرجانا ہے-
باغی ٹی وی : مشیر خزانہ شوکت ترین نے وفاقی وزیر حماد اظہر کے ہمراہ پریس کانفرنس میں انہوں نے کہا کہ آئی ایم ایف کے ساتھ تمام معاملات طے پا چکے ہیں، آئی ایم ایف ہمیں 1 ارب ڈالر دے گا۔
ان کا کہنا تھا کہ ہمیں ٹیکس قوانین میں بہتری اور کاروبار کے لیے آسانی پیدا کرنی ہو گی انہوں نے کہا کہ حکومت پاکستان کی معاشی ترقی کا سفر جاری ہے۔
وفاقی وزیر کا کہنا تھا حکومت اصلاحات کے ایجنڈے پر کامیابی سے عمل کررہی ہے، ٹیکس ادائیگی کےحوالےسےشفافیت لانا ہوگی ٹارگٹڈ سبسڈی پرعمل کریں گے پاورسیکٹرمیں مزید بہتری کی ضرورت ہے-
شوکت ترین نے کہا کہ ہمیں 4 روپےٹیرف بڑھانےکا کہا گیا تھا میں نے پہلے کہا تھا کہ ٹیرف بڑھانامسئلےکاحل نہیں پاکستان میں مہنگائی ہے پیٹرولیم ڈویلپمنٹ لیوی ہرماہ 4 روپےفی لیٹربڑھانی ہےپیٹرولیم ڈویلپمنٹ لیوی کو30 روپےتک لےکرجانا ہے اسٹیٹ بینک کی ترمیم کی پارلیمنٹ سےمنظوری لینا ہوگی-
وفاقی وزیر حماد اظہر نے کہا کہ آئی ایم ایف نےتسلیم کیا کہ انرجی کےشعبےمیں خاطرخواہ کام ہوا ہے،ٹیرف بڑھانے پرہم نےپچھلےماہ عمل بھی کیاچند ماہ کےبعد ٹیرف کودوبارہ بڑھاسکتےہیں چند ماہ میں شاید بجلی کی قیمتیں بڑھانا پڑیں گی جومستقل بنیادوں پر200 یونٹ سےکم استعمال کرتےہیں صرف ان کیلئےٹیرف نہیں بڑھایا کرنٹ اکاوَنٹ خسارےمیں کمی آئی ہے-
پاکستان آئی ایم ایف کومعاشی اصلاحات پرعمل کرکےدکھائےگا، اگرگورنرہم نےلگاناہےتوپھراسٹیٹ بینک کوخودمختاری دینی چاہیے صنعتی شعبےکیلئےرعایتی ٹیرف برقرا رہے گا آئی ایم ایف نےسیلزٹیکس 17 فیصد رکھنےکا کہا ہے-
