پی آئی اے نے ہنگامی حالات کے پیش نظر ڈومیسٹک فلائٹ آپریشنز کی بندش میں 7 مئی تک توسیع دے دی
اسلام آباد :پی آئی اے نے ہنگامی حالات کے پیش نظر ڈومیسٹک فلائٹ آپریشنز کی بندش میں 7 مئی تک توسیع دے دی ،اطلاعات کے مطابق ملک بھرکے ائیرپورٹس سے علاقائی فضائی آپریشن کی بندش میں 7 مئی تک توسیع کردی گئی۔
As per the decision of the GoP, the suspension of Domestic flight operations as effected earlier has been extended upto Thursday, May 7, 2020 at 2359 hours PST. Remaining provisions as applicable to the suspension of domestic flt reflected in the previous orders remain unchanged.
— PCAAOfficial (@official_pcaa) April 30, 2020
ترجمان سول ایوی ایشن اتھارٹی کے مطابق پابندی کے دوران خصوصی پروازوں سمیت سفارتکاروں اور کارگو پروازوں کو آپریشن کی اجازت ہوگی۔اس حوالے سے سول ایوی ایشن اتھارٹی نے نوٹم جاری کردیا ہے۔ اس سے پہلے کورونا وائرس کی وجہ سے علاقائی فضائی آپریشن کی بندش 30 اپریل تک تھی جس میں اب توسیع کردی گئی ہے۔اس سے قبل سول ایوی ایشن اتھارٹی انٹرنیشنل فلائٹ آپریشن کی معطلی میں بھی 15 مئی تک توسیع کا اعلان کیا تھا۔
خیال رہے کہ کورونا وائرس کی وجہ سے پاکستان میں بین الاقوامی اور ڈومیسٹک پروازیں بند ہیں جبکہ بیرون ملک پھنسے پاکستانیوں کو وطن واپس لانے کیلئے خصوصی پراوزیں چلائی جارہی ہیں جو کراچی، اسلام آباد اور لاہور ائیرپورٹس سے آپریٹ ہورہی ہیں۔اس کے علاوہ وفاق نے ملکی سطح پر لاک ڈاؤن میں 9 مئی تک توسیع کردی ہے جبکہ ملک بھر میں ٹرین آپریشن اور بین الصوبائی بس سروسز بھی معطل ہیں۔