سموگ کیس،ہوٹلوں اور پلازوں کی چھتوں پر پودے لگانے کا حکم

لاہور ہائیکورٹ میں سموگ کے تدارک کے لیے دائر درخواستوں پر سماعت ہوئی،

جسٹس شاہد کریم نے شہری ہارون فاروق سمیت دیگر کی درخواستوں پر سماعت کی، دوران سماعت عدالت نے ہوٹلوں اور پلازوں کی چھتوں پر پودے لگانے کا حکم دیتے ہوئے محکمہ ماحولیات اور پی ایچ اے کو مل کر لائحہ عمل طے کرنے کی ہدایت کردی، سرکاری وکیل نے عدالت میں کہا کہ چین سے ماحولیات کا وفد پاکستان آرہا ہے،عدالت نے ایڈووکیٹ جنرل پنجاب کو چین کے ماحولیات کے وفد سے جوڈیشل واٹر کمیشن کے ممبران کی ملاقات کرانے کی ہدایت کردی۔

جسٹس شاہد کریم نے ایس پی ٹریفک سے استفسار کیا کہ کیا کم عمر ڈرائیورز پر مقدمات درج ہورہے ہیں؟ ایس پی ٹریفک نے کہا کہ پہلے مقدمات درج کررہے تھے اب مقدمات درج نہیں ہو رہے، عدالت نے ریمارکس دیتے ہوئے کہا کہ اگر آپ مقدمات درج کررہے ہوں تو یہ افسوسناک بات ہے،آپ جرمانہ بڑھا دیں مقدمات درج کرنا زیادتی ہے، عدالت نے سموگ کے تدارک سے متعلق درخواستوں پر مزید سماعت آئندہ ہفتے تک ملتوی کردی

سائیکل کرائے پر دینے کے لیے مختلف پوائنٹ بنانے کے لیے اسیکم بنائی جائے

آلودگی پھیلانے والی فیکٹروں کو سیل کرنے کا حکم

 ہفتے میں 2روز گھر سے کام کرنے کی پالیسی پر عمل کرائیں

گھروں میں گاڑیاں دھونے والوں کے خلاف بھی کارروائی یقینی بنائی جائے