اسلام آباد:یار بس کردو اب:وزیراعظم غصے میں آگئے: اکنامک ایڈوائزی کونسل کوعوام پرمزید ٹیکس لگانےسے روک دیا،اطلاعات کے مطابق وزیر اعظم عمران خان نے ایک اہم اجلاس میں ماہرین اور اکنامک ایڈوائزی کونسل سے کہہ دیا ہے کہ اب عوام کوریلیف دینے کی باتیں کی جائیں ،مزید ٹیکس لگانے کی باتیں ان کے سامنے نہ کی جائیں
یہ بھی معلوم ہوا ہےکہ وزیراعظم نے کہا ہےکہ عوام پر مزید ٹیکس لگانے کے بجائے عوام کو ریلیف فراہم کرنےکے لیے’ آؤٹ آف باکس سلوشنز ‘تجویز کیے جائیں، معاشی استحکام و پائیدار گروتھ کے لیے روڈ میپ پیش کیا جائے۔
وزیرِ اعظم عمران خان کی زیرصدارت اکنامک ایڈوائزی کونسل کا اجلاس ہوا جس میں وزیراعظم ویڈیو لنک کے ذریعے شریک ہوئے۔
وزیرِ اعظم نے تمام ممبران کو اکنامک ایڈوائزری کونسل میں خوش آمدیدکرتے ہوئے وزیر خزانہ کو ہدایت کی کہ ملکی معیشت کے حوالے سے اہم معاملات پر تجاویز پیش کرنے والی اس کونسل کی مکمل طور پر فعالی کو یقینی بنایا جائے۔
انہوں نے کہا کہ مشکل معاشی حالات کے پیش نظر عوام پر ٹیکسوں کا مزید بوجھ ڈالنے کے بجائے آؤٹ آف باکس سلوشن تجویز کیے جائیں تاکہ ان سےجہاں عوام کو ریلیف میسر آئے وہاں معیشت کی پائیدار ترقی کو یقینی بنایا جاسکے۔
