وزیراعظم عمران خان آج جمعہ کو اقوام متحدہ کی جنرل اسمبلی سے خطاب کریں گے اور بھارت سرکار کے کشمیریوں پر ہونے والے مظالم سے عالمی دنیا کو آگاہ کریں گے، سفیر کشمیر وزیراعظم پاکستان نیویارک میں موجود ہیں جو کشمیر کا مقدمہ عالمی دنیا کے سامنے پیش کرنے کے لئے تیار ہیں
باغی ٹی وی کی رپورٹ کے مطابق وزیراعظم عمران خان آج جمعہ کو اقوام متحدہ کی جنرل اسمبلی سے خطاب کریں گے.وہ اپنے خطاب میں کشمیر کا مسئلہ دنیا کے سامنے اٹھائیں گے اور مودی سرکار کی جانب سے کشمیریوں پر ہونے والے انسانیت سوز مظالم، انسانی حقوق کی خلاف ورزیوں سے دنیا کو آگاہ کریں گے،
نیویارک میں پاکستان کے وزیراعظم عالمی رہنماؤں سے ملاقاتیں کر رہے ہیں اور کشمیر کی صورتحال سے انہیں آگاہ کر رہے ہیں، وزیراعظم عمران خان نے امریکی صدر ڈونلڈ ٹرمپ سے بھی ملاقات کی ہے جس میں انہوں نے کہا کہ ٹرمپ مودی کو کہیں کہ وہ کشمیر سے کرفیو اٹھائے، ٹرمپ کا کہنا تھا کہ وہ کشمیر پر ثالثی کے لئے اب بھی تیا رہیں،
نفرت انگیز تقاریر اور اسلامو فوبیا کے خاتمہ کیلئے مؤثر اقدامات کی ضرورت ہے، وزیراعظم عمران خان
وزیراعظم عمران خان کیساتھ ایک اہم ملاقات میں روسی وزیر خارجہ سرگئی لاروف نے واضح کیا ہے کہ ان کے ملک نے مقبوضہ کشمیر کی صورتحال پر سلامتی کونسل اجلاس پر اعتراض نہیں کیا تھا۔ اے پی پی کے مطابق پاکستان اور روس نے مقبوضہ جموں وکشمیر کے معاملہ پر قریبی رابطے اور مشاورت جاری رکھنے کا فیصلہ کیا ہے۔ یہ فیصلہ جمعرات کو اقوام متحدہ جنرل اسمبلی کے 74ویں اجلاس کے موقع پر وزیراعظم عمران خان سے روس کے وزیر خارجہ سرگئی لاواروف کی ملاقات کے دوران کیا گیا۔
وزیراعظم عمران خان سےانڈونیشیا کےنائب صدریوسف کالاکی ملاقات ہوئی ہے ،باغی ٹی وی کی رپورٹ کے مطابق ملاقات میں دوطرفہ تعلقات اورمقبوضہ کشمیرکی صورت حال پر تبادلہ خیال کیا گیا، وزیراعظم نے دونوں ملکوں کےدرمیان قریبی اورتاریخی تعلقات پر اطمینان کااظہار کیا،وزیراعظم عمران خان نے کہا کہ امید ہےانڈونیشیاکشمیریوں کی حالت زارپرپاکستان کےموقف کی حمایت کرےگا،انڈونیشیااقوام متحدہ کی سلامتی کونسل کاغیرمستقل رکن ہے.
اے پی پی کے مطابق وزیراعظم عمران خان سے امریکا میں ایرانی صدر، ترک صدر، مصری صدر،اٹلی کے وزیراعظم، ایتھوپیا کے صدر نے ملاقات کی ہے، وزیراعظم نے تمام رہنماؤں کے سامنے کشمیر کا مقدمہ پیش کیا اور بھارتی مظالم سے آگاہ کیا
وزیراعظم عمران خان کی مصرکےصدرعبدالفتاح السیسی سےملاقات ہوئی ہے،باغی ٹی وی کی رپورٹ کے مطابق دونوں رہنماوَں نے کثیرالجہتی شعبہ جات میں دوطرفہ تعاون کےفروغ پراتفاق کیا، مصری صدر کا کہنا تھا کہ سیکیورٹی مسائل سےنمٹنے کے لیے پاکستان کےتجربات سےمستفید ہونے کے خواہاں ہیں
وزیراعظم عمران خان سے ملائشیا کے وزیراعظم مہاتیرمحمد کی ملاقات
وزیراعظم عمران خان نے اٹلی کے وزیراعظم جوسپی کاﺅنٹے سے منگل کو یہاں اقوام متحدہ کی جنرل اسمبلی کے 74 ویں اجلاس کے انعقاد کے موقع پر ملاقات کی جس میں دونوں رہنماﺅں نے دوطرفہ علاقائی اور باہمی دلچسپی کے امور پر بات چیت کی.
اسلامی ممالک کو کشمیریوں کے ساتھ یکجہتی دکھانی ہوگی، وزیراعظم
وزیراعظم عمران خان سے ایتھوپیا کی صدر سہلی ورک زیوڈے نے ملاقات کی۔ یہ ملاقات نیویارک میں اقوام متحدہ کی جنرل اسمبلی کے 74ویں اجلاس کے موقع پر ہوئی۔ ملاقات کے دوران فریقین نے باہمی تعاون کے مزید فروغ کیلئے اقدامات پر تبادلہ خیال کیا۔
اے پی پی کے مطابق وزیراعظم عمران خان نے ایران کے صدر حسن روحانی سے اقوام متحدہ کی جنرل اسمبلی کے 74 ویں اجلاس کے موقع پر ملاقات کی جس میں دونوں اطراف نے دوطرفہ تعلقات اور علاقائی پیشرفت پر تبادلہ خیال کیا۔ وزیراعظم عمران خان نے ملاقات میں ایران کے ساتھ اچھے ہمسائیگی کے تعلقات کو مزید مستحکم بنانے اور مختلف شعبوں میں باہمی مفاد میں تعاون بڑھانے کی پاکستان کی خواہش کا اظہار کیا۔ وزیراعظم نے ایرانی قیادت بالخصوص سپریم لیڈر آیت اﷲ علی خامنائی کا کشمیری عوام اور ان کے جائز حق کے حصول کے لئے غیر مبہم حمایت پر شکریہ ادا کیا
اے پی پی کے مطابق پاکستان اور ترکی نے تمام چیلنجوں کا مقابلہ کرنے کیلئے ایک دوسرے کے شانہ بشانہ کھڑا رہنے کے عزم کا اعادہ کیا ہے۔اس عزم کا اعادہ گزشتہ روز نیو یارک میں یو این جنرل اسمبلی اجلاس کے موقع پر ترکی کے صدر رجب طیب اردوان اور وزیر اعظم پاکستان عمران خان کے مابین ملاقات کے دوران کیا گیا۔ترجمان دفتر خارجہ کے مطابق وزیر اعظم عمران خان نے رواں سال جنوری میں اپنے دورہ ترکی کا زکر کرتے ہوئے اس بات پر اطمینان کا اظہار کیا کہ پاک ترکی دو طرفہ تعلقات باہمی مفید سٹریٹجک شراکت داری میں تبدیل ہو چکے ہیں۔وزیر اعظم نے اہم قومی دلچسپی کے معاملات پر پاکستان کی بھر پور حمایت پر ترکی کے صدر کا شکریہ ادا کیا اور اہم قومی و بین العقوامی امور پر ترکی کی حمایت سے متعلق پاکستان کے عزم کا اعادہ کیا۔
وزیر اعظم پاکستان عمران خان کی نیوزی لینڈ کی ہم منصب جیسنڈا آرڈن سے ملاقات ہوئی ہے
باغی ٹی وی کی رپورٹ کے مطابق ملاقات اقوام متحدہ کی جنرل اسمبلی کے سالانہ اجلاس کی سائڈ لائنز پر ہوئی، دونوں رہنماوں نے اسلاموفوبیا اور مسلم مخالف جذبات کے مسائل پر تبادلہ خیال کیا،عمران خان نے وزیراعظم نیوزی لینڈکومقبوضہ کشمیرکےشہریوں کی ابتر حالت سے آگاہ کیا ،عمران خان نے بتایا مقبوضہ کشمیر میں کرفیو اٹھتے ہی بہت بڑا بحران منظر عام پر آئے گا،عمران خان نے نیوزی لینڈ مساجد حملوں کے بعد جیسنڈا آرڈن کی قیادت کے اقدامات کو سراہا ،
وزیراعظم عمران خان نے ٹرمپ سے کشمیر بارے بڑا مطالبہ کر دیا
وزیراعظم عمران خان سے چینی وزیر خارجہ کی ملاقات، اہم امور پر تبادلہ خیال
ہم اپنی سرزمین پرکسی دہشتگرد گروپ کوکام کرنے کی اجازت نہیں دیں گے، وزیراعظم
نائن الیون کے بعد پاکستان نے امریکہ کی جنگ میں شامل ہو کر بہت بڑی غلطی کی، وزیراعظم عمران خان
کشمیر سے متعلق سوال پر ٹرمپ نے کیا جواب دیا؟ جان کر ہوں حیران
