fbpx

وزیراعظم کا متوقع دورہ لاہور،کیا ہوں گی تبدیلیاں؟ صوبائی وزراء پریشان

وزیراعظم کا متوقع دورہ لاہور،کیا ہوں گی تبدیلیاں، صوبائی وزراء پریشان

باغی ٹی وی کی رپورٹ کے مطابق وزیراعظم عمران خان آج ایک روزہ دورے پر لاہور پہنچیں گے۔ وزیراعلیٰ پنجاب وزیراعظم کا استقبال کریں گے، اپنے مختصر دورہ لاہور میں وزیراعظم عمران خان سے گورنر،وزیراعلیٰ،نئے چیف سیکریٹری اور آئی جی پنجاب ملاقاتیں کریں گے۔

پنجاب کے صوبائی دارالحکومت لاہور میں وزیراعظم عمران خان ایوان وزیراعلیٰ میں وزیراعلیٰ پنجاب سے ملاقات اور مشترکہ اجلاس کی صدارت کریں گے،جہاں صوبائی حکومت کی جانب سے وزیراعظم کو پنجاب میں اسموگ کی صورتحال پر بریفنگ دی جائے گی، وزیراعظم عمران خان نے پنجاب میں سموگ کی بڑھتی صورتحال پر نوٹس لیا تھا،وزیراعظم کواجلاس میں ا سموگ سے متعلق اقدامات پر بریفنگ دی جائے گی

ذرائع کے مطابق وزیراعظم عمران خان کے دورہ لاہور کے موقع پرصوبائی کابینہ میں تبدیلیاں بھی متوقع ہیں اورناقص کارکردگی دکھانے والے وزرا سے قلمدان واپس لئے جانے کا امکان ہے۔

صوبائی کابینہ کے وزراء اس حوالہ سے پریشان دکھائی دیتے ہیں کہ وزیراعظم کابینہ میں کیا تبدیلیاں کرتے ہیں کیونکہ پہلے بھی کابینہ میں تبدیلیاں ہو چکی ہیں.

جواب چھوڑیں

آپ کا ای میل ایڈریس شائع نہیں کیا جائے گا.