وزیراعظم نے یقین دلایا ہے کہ وہ سندھ حکومت کی بھرپور مدد کرینگے،وزیراعلیٰ سندھ
وزیراعلیٰ سندھ مراد علی شاہ کی زیرصدارت ٹھٹھہ ڈی سی آفس میں اجلاس ہوا
وزیراعلیٰ سندھ کو بریفنگ میں بتایا گیا کہ ٹھٹھہ میں گھروں، فصلوں اور انفرااسٹریکچر کو کافی نقصان ہوا ،ٹھٹھہ میں بارشوں اور سیلاب کے باعث 11 لوگ جاں بحق ہوئے ٹھٹھہ میں اب تک 600 ملی میٹر بارش ہوئی ٹھٹھہ تعلقہ میں 9712 ایکڑ وں پر فصلیں تباہ ہوئی ہیں،ساکرو تعلقہ 6429 ایکڑ، گھوڑاباڑی 2872 ایکڑ اور کیٹی بندر میں 1350 ایکڑ فصلیں تباہ ہوئیں،ٹھٹھہ میں 980 گھر، میرپورساکرو 2500 گھر، گھوڑا باڑی 1500 گھروں کو نقصان پہنچا، کیٹی بندر میں 500 گھروں کو شدید نقصان پہنچا ہے
وزیراعلیٰ سندھ سید مراد علی شاہ نے ہدایت کی کہ سیلاب متاثرین کی ایک فہرست تیار کریں، ہم متاثرین سیلاب کی بھرپور مدد کرینگے ،چاہتے ہیں حقداروں کو حق ملے، وزیراعظم شہباز شریف سے مدد کیلئے درخواست کی ہے،وزیراعظم نے یقین دلایا ہے کہ وہ سندھ حکومت کی بھرپور مدد کرینگے، وفاق اور صوبائی حکومتیں متاثرین کومعاوضہ بھی دیگی، ہم سی پیک میں کیٹی بندر جیٹی کی اسکیم دوبارہ شامل کرینگے، اسکیم کیٹی بندر اور وہاں کے رہنے والوں کی زندگی تبدیل کردیگی،
شہباز گل پالپا پر برس پڑے،کہا جب غلطی پکڑی جاتی ہے تو یونین آ جاتی ہے بچانے
وزیراعظم کا عزم ہے کہ پی آئی اے کی نجکاری نہیں ری سٹکچرنگ کرنی ہے،وفاقی وزیر ہوا بازی
860 پائلٹ میں سے 262 ایسے جنہوں نے خود امتحان ہی نہیں دیا،اب کہتے ہیں معاف کرو، وفاقی وزیر ہوا بازی
کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت
دوسری جانب سندھ کے وزیر اطلاعات شرجیل میمن کا کہنا ہے کہ سندھ میں بارش سے نقصانات ہوئے،حالیہ بارشوں سے ملک بھر میں تباہی ہوئی ،حیدرآباد میں 3دن میں 250 ملی میٹر بارش ہوئی، حیدرآباد انتظامیہ نے بہت اچھا کام کیا،بارشوں میں پیپلزپارٹی کے وزرا خود سڑکوں پر موجود تھے ،حیدر آباد میں لطیف آباد نمبر 12 اور کچھ جگہوں پر پانی اب بھی موجود ہے،دیہی علاقوں کی صورتحال خراب ہے وہاں بھی نکاسی آب کا کام جاری ہے بارشوں سے کروڑوں اربوں کی کاشت کونقصان پہنچا ہے سندھ حکومت متاثرین کے ساتھ کھڑی ہے وفاقی حکومت سے تعاون چاہتے ہیں زیادہ نقصان والے علاقے آفت زدہ قرار دیئے جائینگے ،
شرجیل میمن کا مزید کہنا تھا کہ عمران خان کا سچ بھی اب جھوٹ لگے گا،عمران خان لوگوں کو استعمال کرتے ہیں سعودی عرب میں لوگوں کو استعمال کیا گیا،اب شہبازگل کی باری ہے عمران خان اداروں کو بلیک میل کررہے ہیں عمران خان الیکشن کمیشن کو یرغمال بنانے کی کوشش کررہے ہیں،عمران خان ساڑھے 3سال اقتدارمیں رہے ہیں اب مزید لاڈلے والا سلوک نہیں ہوناچاہیے،
علاوہ ازیں ایڈمنسٹریٹر کراچی مرتضیٰ وہاب کا کہنا تھا کہ ماضی میں شہر کے کئی علاقے ہفتوں بند رہتے تھے، اب کی بار ایسا نہیں ہوا، انتظامیہ نے کوشش کی کہ کراچی شہر کی مین آرٹیرز بند نہ ہوں ،سندھ کے دیگر اضلاع میں بھی بارش اور سیلاب سے نقصان ہوا ہے،وزیراعلی سندھ بھی فلڈ سے متاثرہ اضلاع کے دورے پر ہیں،سندھ حکومت مصیبت کی گھڑی میں اپنے شہریوں کے ساتھ ہے،پی ڈی ایم اے کو ایکٹویٹ کیا ہوا ہے، جن کا کچن نہیں رہا، کھانا مہیا کیا جائےگا،جن احکامات جاری کرنے کی ضرورت تھی وہ جاری کر دیے گئے ہیں،وزیر اعلی نے وزیر اعظم سے بھی ریکوئسٹ کی کہ اس صورتحال میں وفاق بھی ساتھ دے، جن کا کام صرف تنقید کرناہے، وہ ڈھائی تین سال پہلے بھی تنقید کر رہے تھے، آج بھی کر رہے ہیں، جب وہ تنقید کر رہے تھے، وزیر اعلی سمیت تمام انتظامیہ سڑکوں پر تھی، سیوریج کے مسائل ہمارے لیے چیلنج رہے ہیں، آج بھی ہم اس پر کام کر رہے ہیں،ہمیں منفی سیاست سے باہر آنے کی ضرورت ہے،مشکل میں مل کر کام کرتے ہیں، جن کے ذہن میں منفی سوچ ہے منفی بات کرتے ہیں، اب بارش کا سلسلہ تھم چکا ہے، اب ہم بحالی کے کام کر رہے ہیں،
