وزیراعظم دورے پر سعودی عرب پہنچ گئے

اسلام آباد: وزیراعظم محمد شہباز شریف وفد کے ہمراہ تین روزہ دورہ پر سعودی عرب پہنچ گئے

باغی ٹی وی :وزیراعظم کمرشل فلائیٹ کے ذریعے سعودی عرب روانہ ہوئے ہیں وزیراعظم شہباز شریف دوران پرواز مسافروں سے گھل مل گئےپرواز میں موجود دیگر مسافروں نے وزیراعظم کے ہمراہ سیلفیاں بنائیں، وزیراعظم نے بچوں اور بچیوں کے سر پر ہاتھ رکھا، ان سے حال احوال پوچھا،وزیرخارجہ اسحاق ڈار اور وزیراعلیٰ پنجاب مریم نواز بھی وزیراعظم کے ہمراہ ہیں،وزیراعظم کے ہمراہ وفاقی کابینہ کے اراکین واجہ آصف، محمد اورنگزیب، عبدالعلیم خان، عطاءاللہ تارڑ اور احد چیمہ بھی موجود ہیں-

وزیراعظم شہباز شریف آج رات مدینہ میں قیام کریں گے، وزیراعظم دورے میں سعودی ولی عہد شہزادہ محمد بن سلمان سے ملاقات کریں گے، وزیر اعظم عمرے کی ادائیگی اور روضہ رسول ﷺ پر حاضری بھی دیں گے۔

واضح رہےکہ دوسری بار وزارت عظمیٰ کا حلف اٹھانے کے بعد وزیراعظم شہباز شریف کا یہ پہلا غیر ملکی دورہ ہے۔