لانگ مارچ ڈیوٹی؛ سندھ پولیس کے جوانوں کو بے یارومددگار چھوڑ دیا گیا
اسلام آباد میں لانگ مارچ کے دوران فرائض سرانجام دینے کے لیے کراچی سے جانے والے پولیس اہلکاروں کو اسٹیشن پر لاکر بے یارومددگار چھوڑ دیا گیا۔ اسلام آباد میں ہونے والے پاکستان تحریک انصاف کے لانگ مارچ کے باعث ملک کے مختلف صوبوں سے پولیس کی نفری مانگی گئی تھی اسی سلسلے میں سندھ سے بھی پولیس اہلکار بھیجے گئے۔
گزشتہ روز پولیس ٹریننگ سینٹر رزاق آباد سے 50 سے زائد پولیس جوانوں کو کینٹ اسٹیشن پر بے یارو مدد گار چھوڑ دیا گیا اور انھیں کہا گیا کہ وہ اسلام آباد چلے جائیں اہلکاروں کے پاس کسی قسم کا کوئی انتظام نہیں تھا اور وہ کئی گھنٹے تک بے یارومددگار بیٹھے رہے۔ اس دوران ایک اہلکار نے وڈیو بناکر وائرل کردی، وڈیو وائرل ہونے کے بعد ڈی آئی جی ٹریننگ عبدالحمید کھوسو سے جب ان کا موقف جاننے کے لیے کئی بار ٹیلی فون کال کی گئیں اور انھیں بذریعہ واٹس ایپ میسجز بھی کیے گئے لیکن انھوں نے کوئی جواب نہ دیا۔
مزید یہ بھی پڑھیں؛ لانگ مارچ؛ آج دوبار شاہدرہ سے اسلام آباد کی جانب سفر شروع کرے گا
پولیس اہلکار کی مبینہ فائرنگ سےشہری جاں بحق، ورثا کا احتجاج
رانا ثنااللہ کی عمران خان کوپی ڈی ایم قیادت سے غیرمشروط بات کرنے کی پیشکش:لانگ مارچ ختم کرنے کا مطالبہ
وزیر اعلیٰ پنجاب چوہدری پرویز الٰہی کی عابد زبیری کو صدر سپریم کورٹ بار منتخب ہونے پر مبارکباد
بعدازاں مذکورہ اہلکاروں کو رات ساڑھے 10 بجے ریلوے حکام نے ٹرین میں سوار کرایا لیکن ابھی یہ تمام اہلکار لانڈھی اسٹیشن تک ہی پہنچے تھے کہ انھیں اپنے پولیس حکام کی جانب سے احکامات موصول ہوئے کہ وہ واپس ٹریننگ سینٹر پہنچ جائیں جس پر تمام اہلکار واپس رزاق آباد ٹریننگ سینٹر چلے گئے۔
