پشاور :پولیس چیک پوسٹوں پر حملے،2 پولیس اہلکاروں سمیت 4 افراد جانبحق،1 دہشتگرد ہلاک

پشاور اور باڑہ میں پولیس چیک پوسٹوں پر دہشت گرد حملوں میں اے ایس آئی سمیت 2 پولیس اہلکار اور 2 راہگیر جاں بحق ہو گئے۔

باغی ٹی وی : تفصیلات کے مطابق پشاور میں تھانہ سربند کی حدود میں پولیس چیک پوسٹ پر فائرنگ سے اے ایس آئی جاں بحق ہو گیا جبکہ حملہ آور موقع سے فرار ہونے میں کامیاب ہو گئے۔

جرائم پیشہ عناصر کی فائرنگ سے شہید افسر کی نماز جنازہ ادا

ادھر باڑہ کے علاقے عجب تالاب میں پولیس چیک پوسٹ پر دہشت گردوں کے حملے میں ایک انسپکٹر اور 2 راہ گیر جاں بحق اور 2 افراد زخمی ہو گئے جبکہ پولیس کی جوابی کارروائی میں ایک دہشت گرد ہلاک ہو گیا جبکہ دیگر فرار ہو گئے۔

دوسری جانب بنوں میں سی ٹی ڈی اور پولیس کی مشترکہ کارروائی میں 4 دہشت گرد ہلاک ہوگئے۔

بھارت،تجاوزات کے نام پر مسلمانوں کے گھروں کو مسمار کیا جانے لگا

محکمہ انسداد دہشتگردی (سی ٹی ڈی) کےمطابق بنوں میں دہشتگردوں کی اطلاع کی موجودگی پر پولیس کے ہمراہ مشترکہ آپریشن کیا گیا جس میں دہشت گردوں نے فورسز پر فائرنگ کردی۔

ترجمان سی ٹی ڈی کے مطابق فورسز اور دہشتگردوں کے درمیان فائرنگ کا تبادلہ ہوا جس سے فورسز کی جوابی فائرنگ میں 4 دہشتگرد ہلاک ہوگئے ہلاک دہشت گرد ٹارگٹ کلنگ، بم دھماکوں اورفورسزپرحملوں میں مطلوب تھے-

لاہور میں ایک ہی رات میں دو گھریلو ملازمائیں قتل،زیادتی کا بھی شبہ