سابق اداکارہ اریج فاطمہ نے سر کو ڈھانپنا شروع کیا؟وجہ بتادی

پاکستان کی سابق اداکارہ اریج فاطمہ نے حجاب کرنے کی وجہ بتادی-

سابقہ اداکارہ اریج کا ایک ویڈیو کلپ سوشل میڈیا پر وائرل ہورہا ہے جس میں انہوں نے بتایا کہ مجھ سے بہت لوگ سوال کرتے ہیں کہ میں نے سر ڈھکنا کیوں شروع کیا، دراصل مجھ میں جب کینسر کی تشخیص ہوئی توایک ڈر تھا کہ میرے بال جھڑ جائیں گےمجھے اپنے بالوں پر بہت ناز تھا اور ان ہی کی فکر مجھے سب سے زیادہ تھی، یہ ایک عورت کا اعتماد ہوتے ہیں-

انہوں نے کہا کہ میں بار بار کہتی تھی کہ جب میں گنجی ہوجاؤں گی تو حجاب شروع کردوں گی، حالانکہ اللہ تعالیٰ نے میرے بال نہیں گرائے، یہ چیز کہیں نہ کہیں میرے پچھتاوے کا باعث بنی کہ جب گنجی ہوجا ؤں گی، کیا تب ہی حجاب کروں گی؟

سابقہ اداکارہ نے مزید کہا کہ میں نے مُردوں کو غسل دینا شروع کیا تھا، وہ ٹرننگ پوائنٹ تھا مجھے لگنے لگا کہ اب کسی بھی وقت کچھ بھی ہوسکتا ہے، بیماری میری قسمت میں تھی لیکن جس طرح سے اللہ پاک نے میرے لیے آسانیاں پیدا کیں وہ چیز بھی تو دیکھنی چاہیے-

اریج فاطمہ کا کہنا تھا کہ جو بیماری مجھے تھی اس کی لوگوں میں تشخیص ہی نہیں ہوپاتی لیکن راتوں را ت میری تشخیص بھی ہوگئی اور علاج بھی ہوا، یہ سب اللہ کا کرم ہے، لوگ مجھے کہتے ہیں گناہوں کی سزا ہے لیکن میں ایک بات بتادوں کہ بیماری آپ کی لکھی ہوتی ہے، توکل کا دامن ہاتھ سے نہ چھوڑیں-