ترکی میں بین الاقوامی عسکری ڈرون مقابلے کا انعقاد: پاکستان نے دوسری پوزیشن حاصل کر لی

پاکستان نے ترکی میں منعقدہ بین الاقوامی عسکری ڈرون مقابلے میں دوسری پوزیشن حاصل کر لی-

ترکی کے شہر انقرہ میں منعقدہ 'بہترین بین الاقوامی عسکری ڈرون ٹیم مقابلے' (BIMDTC-2026) میں پاکستان نے دوسری پوزیشن حاصل کی۔ اس مقابلے میں 33 ممالک کی ٹیموں نے حصہ لیا تھامجموعی طور پر ترکی پہلے، پاکستان دوسرے، اٹلی تیسرے اور فرانس چوتھے نمبر پر رہا۔

انفرادی زمرے میں، پاکستان کی '44 سگنلز' (44 Signals) کے کیپٹن طلحہ نے 100 سے زائد شریک ڈرون پائلٹس میں دوسری پوزیشن حاصل کی۔

اس مقابلے میں مختلف ممالک کی عسکری ٹیموں نے اپنے 'ان مینڈ ایریل سسٹمز' (UAS) یعنی بغیر پائلٹ کے فضائی نظام — کو چلانے کی مہارت کا مظاہرہ کیا۔ یہ مقابلہ جدید عسکری کارروائیوں میں ڈرون چلانے کی مہارت کی بڑھتی ہوئی اہمیت کو اجاگر کرتا ہے۔