نظم،”اے ستمبر”شاعرہ، آمنہ وحید

اے ستمبر!کہ نہ آیا کر تو
تیرے آنے سے کچھ لوگ یاد بہت آتے ہیں
بچھڑ گئے ہیں جو مجھ سے اس جہاں میں
وہ جانے والے مہرباں یاد بہت آتے ہیں
بھولنا ان کو تو اس حیات میں ممکن نہیں
مگر تیرے آنے سے
یادیں بکھر سی جاتی ہیں
آوازیں انکی ہر سو
پھر سے آنے لگتی ہیں
خوشبو ان کی ہر طرف
مہکنے سی لگتی ہے
تجھے میں کیسے کہوں یہ سب
فقط اتنی التجا ہے تم سے
اے ستمبر!کہ نہ آیا کر تو
تیرے آنے سے کچھ لوگ یاد بہت آتے ہیں