نوشہرہ اور سوات میں کل تمام سرکاری و نجی تعلیمی ادارے بند رکھنے کا اعلان

نوشہرہ اور سوات میں 12 اکتوبر کو ضلع بھر کے تمام سرکاری و نجی تعلیمی ادارے بند رکھنے کا اعلان کیا گیا۔

ڈپٹی کمشنر گوہر زمان وزیر نے تعلیمی اداروں کی بندش کا اعلامیہ جاری کر دیا، تمام سرکاری و نجی اسکولز، کالجز اور جامعات بروز پیر 12 اکتوبر کو بند رہیں گے۔

12 اکتوبر کو منعقد ہونے والے تمام امتحانات اور پرچے بھی منسوخ قرار، ڈپٹی کمشنر کی تمام متعلقہ محکموں اور تعلیمی اداروں کے سربراہان کو احکامات پر عمل درآمد کی ہدایت کر دی گئی۔

سوات میں میٹرک سال2026 کے تمام پرچے ملتوی کر دیئےگئے ،اس سلسلے میں تعلیمی بورڈ نے اعلامیہ جاری کردیا ، 12 اکتوبر سے شروع ہونے والے میٹرک امتحانات تا حکمِ ثانی ملتوی کر دیئے گئے ہیں ۔ امتحانات کی نئی تاریخوں اور نظرثانی شدہ ڈیٹ شیٹ کا اعلان بعد میں ہوگا،میٹرک کے امتحانات سوات اور شانگلہ سمیت بورڈ کے زیرِ انتظام علاقوں میں منعقد ہونے تھے۔